Los XVIII Premios de la Crítica na estaya d’asturianu reconocen esti vienres a Xabiero Cayarga y Xaime Martínez

‘El cuentu atrás’, de Xabiero Cayarga, y ‘Hibernia’, de Xaime Martínez, son les obres ganadores de los XVIII Premios de la Crítica d’Asturies nes estayes de novela y poesía n’asturianu, de manera respeutiva. Los gallardones van entregase esti vienres n’Uviéu.

Otilia Requejo, Juan Cañal, María Jesús Álvarez González y María Jesús Aguilar campaña Dí-ylo al mundu cultura sidrera

‘¡Dí-ylo al mundu! Yo tamién sofito’

El Gobiernu entama una campaña d’apoyu a la candidatura de la cultura sidrera como patrimoniu inmaterial de la humanidá. La intención ye sumar a tola sociedá nesta iniciativa pa facer fuercia de cara a convencer a la UNESCO p’algamar el reconocimientu.

Pablo Casado n'Uviéu horros y frixuelos

Los ataques de Casado a la llingua y cultures asturianes provoquen una fola nueva de reaiciones n’Asturies

Yá lo fixera en payares depués d’afirmar n’Almería que’l PSOE quier imponer “el bable, que nadie habla en Asturias”, y tornó a repetilo depués del so ataque a la llingua y cultures asturianes del vienres. Asturies reaicionó a les pallabres de Pablo Casado, dende coleutivos a ciudadanos pasando por políticos, como l’ex presidente Antonio Trevín, que defendió en redes sociales la oficialidá del idioma.

Gráficu Sentimientu nacionalista CIS avientu 2018

El 18,7 por cientu de los asturianos identifícase con Asturies por un 5,3 que lo fai con España

El barómetru del CIS d’avientu del 2018 incluyó una entruga sobre'l sentimientu nacionalista. Un 72 por cientu diz sentise tan asturianu como español, mentes qu’un 8 por cientu considérase sólo asturianu y un 10,7 más asturianu qu’español; namái un 5,3 tien más identidá española (4 y 1,3 por cientu, respeutivamente).

Conferencia d'Educación Isabel Celaá y Genaro Alonso

Alonso espera aconceyar definitivamente cola ministra Isabel Celaá la selmana qu’entra

Genaro Alonso acudió esti miércoles a la Conferencia d’Educación celebrada en Madrid, onde se trató l’anteproyeutu de llei de modificación de la LOE pa la derogación de la LOMCE y la competencia de la regulación del enseñu de les llingües del Estáu. El conseyeru anunció una entrevista cola ministra Isabel Celaá la selmana qu’entra na que se falará sobre la especialidá docente.

El llibru ‘Mitoloxía pa rapacinos y rapacines’ cuenta con una segunda edición más inclusiva

El Grupu Epona edita la segunda edición del llibru ‘Mitoloxía pa rapacinos y rapacines’ baxo’l nome de ‘Mitoloxía pa la reciella’, más inclusiva que la primera. Espublizáu nel 2007, esta asociación cultural torna a asoleyalu pa que llegue a les xeneraciones nueves.

Paru primer problema CIS avientu 2018

El paru ye’l principal esmolecimientu de los asturianos, que nun asitien a la inmigración ente les sos preocupaciones

El barómetru d’avientu del Centru d’Investigaciones Sociolóxiques (CIS) dexó dellos datos interesantes. Asturies destaca como la comunidá onde más esmolez el paru, el problema más importante pa 6 de cada 10 encuestaos, y asítiase ente les que menos considera la inmigración como tal: 1 de cada 10, al igual que la emigración.

Casado escarta a Mercedes Fernández como candidata del PP nes eleiciones

Mercedes Fernández nun va ser la candidata del Partido Popular (PP) a la presidencia de la Xunta Xeneral nes eleiciones de mayu. El presidente del partíu, Pablo Casado, ta acabante de confirmar que Teresa Mallada, ex rexidora d’HUNOSA, va liderar la llista.

Fina la Navidá y la TPA nun emitió nin un programa infantil o película d'animación n’asturianu

La llingua asturiana sigue arrequexada na RTPA. Una vegada finada la Navidá, y al contrariu que faen el restu d’autonómiques de comunidaes que cuenten con llingua propia, la televisión pública asturiana nun emitió nin un programa infantil o película d'animación pa la reciella en llingua asturiana, denuncia la XDLA.