Andecha Astur homenaxa a Belarmino Tomás

L’actu tendrá llugar nel Cementeriu Pando (Llangréu) énte la tumba de Belarmino Tomás, el próximu xueves 12 d’ochobre a les 13 hores.

La figura de Belarmino Tomás, como protagonista principal de los fechos revolucionarios d’ochobre del 34, y darréu como presidente del Conseyu Soberanu, sedrá una vegada más oxetu d'homenaxe por parte d'Andecha Astur.

Con esti actu quieren recordar la hestórica revolución y que "uvo en Belarmino Tomás "l’interllocutor que negoció col exércitu republicanu español una rendición pautada que llueu los españoles nun respetaríen, protagonizando una represión sangrina y xabaz".

Nel so comunicáu, Andecha Astur quier homenaxear nesi día  "a esi Pueblu Asturianu, que declaró la República Obrera y Campesina d’Asturies frente a la República Española, qu’incapaz de respetar el Drechu a Decidir del Pueblu Asturianu procedió a invadir militarmente’l nuesu país, faise agora mesmo d’especial actualidá cuando la voluntá del Pueblu Catalán de decidir llibremente’l so futuru vese menaciada por esi mesmu Estáu español".