‘Toi alicando’, ‘Soi mui grande’, ‘Pórtome de mieu’ y ‘Nun ḷḷoré’ son los cuatro modelos editaos pol Serviciu de Normalización Llingüística de Ḷḷena colos que se va ‘premiar’ a les neñes y neños que tengan qu’acudir al área de Pediatría del Centru de Salú de La Pola. Van repartise, nuna primer tirada, un total de 5.000 pegatines.

Siguiendo exemplos esistentes n’Alba o Rumanía, y a propuesta d’Europa Laica, el Conseyu Superior d’Investigaciones Científiques (CSIC) ta acabante d’asoleyar un calendariu escolar científicu correspondiente al 2020 en toles llingües cooficiales y n’asturianu. L’Academia de la Llingua Asturiana (ALLA) participó como entidá financiadora de la iniciativa del Institutu de Ganadería de Monte.

La xixonesa Lucía Fernández ganó’l IV ‘Sácame pola pinta’, concursu d’imitación d’artistes asturianos que se celebró’l vienres en La Felguera y que se va emitir el xueves en TPA. La cantante, de 14 años, convenció al xuráu pola so interpretación de la versión de Marisa Valle Roso del cantar ‘Nel Pozu María Luisa’.

Esti vienres el Teatru Nuevu de La Felguera acueye la gala final del IV 'Sácame pola pinta' de la edición dedicada a menores. Esti concursu, que tien como premiu la grabación d’un discu promocional nun estudiu profesional, consiste na imitación d’un artista asturianu.

Les ilustraciones y los testos del llibru ‘Nun-yos tengas perceguera 2’, de Sidoro Villa, formen parte d’una esposición con sede nel xixonés Centru de Cultura Antiguu Institutu. Ésta lleva’l mesmu nome del llibru infantil centráu n’animales como’l llagartu, la mosca, la pega o'l cascoxu.

El festival d’artes escéniques en llingua asturiana pa neños y neñes Escenines pa la Reciella cumple un añu más cola so cita navidiega en Xixón. El salón d'actos del Centru de Cultura Antiguu Institutu repite como sede nesta sétima edición del certame, na que ‘Reciella. Families pol Asturianu’ programa trés espectáculos teatrales.

Les neñes y neños d'Asturies esperen la llegada de L'Anguleru esta Nuechebona, que pide recuperar esta tradición y el ramu nadal.

Munches cases d'Asturies amburen esta nueche el nataliegu, un ritual que taba cercanu a desaniciase pero que poco a poco dalgunes families traten de recuperar. 'A la Gueta los Suaños', na so estaya de fiches didáutiques pa rapacinos y rapacines, incorpora una nueva dedicada al tueru de navidá nel qu'esplica esta tradición y el so contestu.