L'Unión Financiera dexa atrás al Leyma Natura nel so camín hacia l'ACB

Pela vía rápida. L'Unión Finaciera Asturiana OCB derrotó ayeri al Leyma Natura d'A Coruña por 76-67 nun polideportivu de Pumarín que tornó a quedase pequeñu p'acoyer a l'afición uviedina al baloncestu. D'esta forma, los de Guillermo Arenas pasa a la segunda fase de les eliminatories pol ascensu a l'ACB (0-2 nel global), nel que'l rival va ser el Quesos Cerrato Palencia, qu'eliminó nesta ronda al Instituto de Fertilidad Clinicas Rincón Axarquía.

El primer encuentru de la ronda, que va celebrase a cinco partíos, va tener llugar el vienres, a les 21 hores, nel Marta Domínguez, mientres que'l segundu va celebrase'l domingu nel mesmu escenariu a les 19.30 hores. Los palentinos finaron la lliga regular en segunda posición con 20 victories, una menos que'l campeón, el River Andorra, y son favoritos p'algamar el derechu a xubir a la máxima categoría del baloncestu estatal.

Otra manera, el Ford Burgos tamién ta en semifinales de les eliminatories pol ascensu tres ganar al Cocinas.com Clavijo por 70-84. Mentes, van dir al tercer partíu'l Ribeira Sacra Bregón y el Peñas Huescas depués del trunfu de los oscenses por 73-65.