Andecha Astur lleva al Congresu delles entrugues sobre El Musel al traviés d’un diputáu d’Amaiur

El Gobiernu estatal ha de responder en feches próximes trés entrugues plantegaes por Andecha Astur sobre la decisión de la OLAF de reclamar 198 millones n’ayudes pola ampliación d’El Musel. El vascu Rafael Larreina encargóse de treslladales.

El Ministeriu de Facienda y, polo tanto, el Gobiernu estatal, ye l’únicu axente que conoz el conteníu del informe fechu pola Oficina Europea de Lucha contra’l Fraude (OLAF) de la Comisión Europea que podría llevar a un procedimientu sancionador qu’obligue al Estáu a devolver 198 millones d’euros de les ayudes europees a les obres d’ampliación d’El Musel. Nin el Gobiernu del país nin el Conceyu de Xixón conocen los detalles del informe entamáu por esta oficina tres les denuncies presentaes por Andecha Astur y Los Verdes d’Asturies, que deteuta irregularidaes na axudicación de los trabayos a la Xunión Temporal d’Empreses (XTE) Dique Torres.

Cola intención de conocer el posicionamientu del Gobiernu de Rajoy énte esta situación, Andecha llevó al Congresu un escritu con trés entrugues que reza asina: “A la vista del informe remitido por la Oficina Antifraude de la Unión Europea (OLAF) al Ministerio de Hacienda español, en referencia a las irregularidades producidas en la obra de ampliación de El Musel en Xixón, Asturies, y que supondría la devolución de todo o parte de las subvenciones recibidas de los Fondos de Cohesión, presentamos la siguiente pregunta por escrito al Gobierno: 1. ¿Qué actuaciones tiene previsto llevar a cabo el Gobierno español para corregir las irregularidades y sus consecuencias que se señalan en dicho informe? 2. ¿Ha evaluado el Gobierno las repercusiones económicas que tendrá para el erario público la corrección de dichas irregularidades? ¿Cuál es su cuantificación? 3. ¿Qué medidas piensa tomar el Gobierno para depurar las responsabilidades políticas y legales derivadas de las actuaciones fraudulentas que se señalan en dicho informe?”. D’igual forma, los nacionalistes soliciten conocer l’informe, como fixera l’Executivu asturianu hai una selmana.

L’encargáu de llevar la situación d’El Musel al Congresu foi’l diputáu d’Amaiur, Rafael Larreina. La formación vasca ye compañera de coalición de los asturianos, al traviés de la etiqueta EH Bildu, na candidatura Los Pueblos Deciden pa les eleiciones al Parllamentu européu del 25 de mayu.

Xestiones n’Europa

La formación nacionalista tamién anuncia que ta calteniendo xestiones énte muerganismos europeos “con cuenta de conocer les conclusiones del informe de la OLAF y de les sos posibles consecuencies llegales”. Nesi sen, contautó con Jonathan Denness, xefe de la Unidá de Zarru de los Fondos de Cohesión. Andecha Astur considera “mui grave y tremendamente significativu” el silenciu que mantienen “los responsables políticos del fraude y la hipocresía, tantu del Gobiernu del ‘Principado’ como de los dirixentes del PSOE ya IU, pidiendo agora tresparencia y llegalidá en tol procesu cuando foron ellos mesmos los qu’incurrieron en supuestes illegalidaes, y calteniendo en too momentu la opacidá dafechu que carauteriza l'estáu de corrupción sistemático y de redes clientelares instauraes dende los estremaos gobiernos PSOE-IU nel ‘Principado’”.