Industria convoca a la Mesa del Carbón pa tratar d’averar postures

El Ministeriu d’Industria convocó una reunión de la Mesa del Carbón pa la tarde del miércoles tres la reunión celebrada’l martes con patronal y sindicatos. La intención del aconceyamientu ye averar postures pa finar col conflictu.
 
Carbounión, CC OO, UXT y el Ministeriu d’Industria, Turismu y Comerciu, tuvieron ayeri una reunión, presidida pol secretariu d’Estáu d’Energía, Fernando Martí, na que trataron cuestiones de tipu xeneral, como’l fechu de que yá tan llibrándose les ayudes a los proyeutos empresariales y d’infraestructures y que van llibrase lae prexubilaciones que se tramitaron, informó Industria nun comunicáu. No que respeuta a les ayudes a les empreses mineres, alcordose l’entamu de la so tramitación y el pagu cuando se tengan les autorizaciones esixíes pola normativa en vigor, añadió’l gabinete dirixíu por José Manuel Soria.
 
Pela so parte, UXT destacó que la reunión d’esti martes desendolcóse "dende l’ánimu y la intención de llegar a un alcuerdu per toles partes". Mentes, la Federación d’Industria de CC OO amosó’l so deséu de que’l Gobiernu "aproveche la oportunidá que se-y abre pa desbloquiar la situación del sector" y considera positivo qu’entendiera por fin que "el marcu únicu pa negociar una salida al conflictu" ye la Comisión de Siguimientu. Nesi sen, el sindicatu, que mantién les movilizaciones establecíes a la espera de cómo se desarrolle la reunión, sorrayó que l’afronta confiando en que puedan establecese "compromisos concretos" que permitan desbloquiar el conflictu del carbón.

secciones: