Skip to content

La Comunitat Valenciana, primer territoriu en solicitar el rescate

Xunetu 20, 2012 por E.P. / Redacción

El Plenu del Consell decidió esti vienres solicitar el rescate al Estáu pa poder atender los sos pagos. Asturies refuga, de momento, acudir al instrumentu de financiación del Gobiernu estatal y negocia financiación coles entidaes bancaries.
 
El Gobiernu valencianu solicitó la so incorporación al mecanismu de la liquidez autonómica aprobáu pol Conseyu de Ministros na so xunta del pasáu 13 de xunetu pa "facer frente a los vencimientos de deuda nel 2012" y, amás, poder "atender el pagu d'otros proveedores, ente ellos les farmacies y munchos otros". Asina lo señaló’l voceru del Consell, José Císcar, na rueda prensa posterior al Plenu, na que destacó que l'adhesión a esi instrumentu "ye voluntaria" y "aporta seguridá nel cumplimientu de les obligaciones financieres de la Generalitat".
 
Mentes, la conseyera asturiana de Facienda y Sector Públicu, Dolores Carcedo, esplicó güei que’l Gobiernu ta negociando yá con entidaes bancaries pa llograr la financiación de los 423 millones d'euros del creitu d'endeudamientu que previsiblemente va aprobar la Cámara la selmana qu’entra. Carcedo esplicó que de nun llograr financiación propia, valorará acudir al instrumentu de financiación del Gobiernu estatal, que nesti casu taría vinculada a un axuste de la fiscalidá.

Comparte...