Skip to content

Los llectores d’Asturies.com opónense a les midíes económiques impulsaes pol Gobiernu de Rajoy

Xunetu 19, 2012 por Redacción

Un 83 por cientu de los usuarios d’Asturies.como amosaron nel nuesu ‘Conceyu Abiertu’ la so disconformidá énte les midíes económiques impulsaes pol Gobiernu de Rajoy pa reducir el déficit públicu. Namái’l 11 por cientu dixo tar a favor.
 
Dende l’apertura d’esti ‘Conceyu Abiertu’, la tendencia nos resultaos de la encuesta plantagada a los nuesos llectores foi siempre similar, ensin que los recortes nuevos anunciaos la selmana pasada tuvieran efeuto na mesma. Asina, el sentir contrariu de los usuarios d’Asturies.com a les midíes que vien impulsando’l Gobiernu de Mariano Rajoy dende que garrara la presidencia a finales del añu pasáu mantúvose siempre alredor del 80 por cientu nel tiempu nel que tuvo abierta la encuesta. Hai que destacar qu’un 7 por cientu de les persones que participaron nel ‘Conceyu Abiertu’ decidiéronse pola opción ‘Nun sé’ a la hora d’opinar si le midíes económiques de los populares yeren correutes o non.
 
Dende esti momentu, los nuesos llectores yá pueden votar nun ‘Conceyu Abiertu’ nuevu. Nesta ocasión queremos conocer si consideren necesario camudar el formatu de la Selmana de les Lletres, como defendió’l martes la conseyera nueva de Cultura, Ana González, o si creen que l’actual ye’l más afayadizu.

Comparte...