Alderique en Xixón sobre “Educación pública asturiana: crisis económica o cambiu de modelu”

Esti vienres 13 de xunetu la Tertulia Pachín de Melás va falar sobre “Educación pública asturiana: crisis económica o cambiu de modelu” ónde se va tratar la problemática de la educación pública “ante les midíes d'axuste aplicaes enantes y les nueves que s'anuncien pal cursu que vien, y si tales midíes respuende solamente a una crisis económica o si escuende un cambéu de modelu na educación pública asturiana”.

Pa ello van cuntar cola presencia de la Beatriz Quirós como Presidenta de la Xunta de Personal Docente d'Asturies y en representación del sindicatu SUATEA, “bien combativu contra los retayos propuestos n'educación polos distintos gobiernos asturianos”. Igualmente va participar Luis Fernández en nome de MSEPA (Movimientu Social pola Escuela Pública d’Asturies) colectivu ciudadanu “que lleva trabayando a favor de la escuela pública, laica y de calidá dende'l 2001”, y finalmente Mer Mediavilla de l'Asamblea de Profesoráu Interín d'Asturies, por cuenta que se “traten del colectivu llaboral que más directamente tán sufriendo los retayos n'educación”.
 
La tertulia va tener llugar nel Chigre Cantábricu de Xixón (C/Muelle d'Oriente, 3) con entrada llibre esti vienres 13 de xunetu a les 20:30 hores.

secciones: