Más de 3.000 persones manifiéstense n’Uviéu pa defender los sos derechos ante los recortes del Gobiernu estatal

|

La marcha convocada n’Asturies contra los recortes sociales y la reforma llaboral del Gobiernu sacó a la cai a más de 3.000 persones. La lluvia que cayó n’Uviéu a la hora de la manifestación nun impidió una participación importante.
 
Los sindicatos CC OO, UXT y USO entamaron esta protesta que tuvo répliques en toles capitales del Estáu baxo’l lema ‘Nun calles. Defendi los tos derechos'. Ente los asistentes destacó una representación simbólica de los trabayadores de la minería del carbón, en fuelga indefinía, con una pancarta propia en defensa del futuru del sector.
 
Pa los convocantes, esta manifestación evidencia la disconformidá ciudadana cola reforma llaboral, la perda de derechos llaborales y el debilitamientu de la negociación coleutiva. Sostienen que, ante los recortes de derechos, "nun val nin el mieu nin la resignación", polo qu’entienden que va ser necesario continuar coles movilizaciones.
 

Contador Estadistiques