Los sindicatos refugaron participar na reunión de la Comisión de Siguimientu del Carbón

|

Los sindicatos refugaron participar na reunión de la Comisión de Siguimientu del Carbón por nun tar conformes cola decisión d’Industria de dexar participar sólo a dos representantes por central. Diez sindicalistes encadenáronse nel ministeriu.
 
Ente los representantes de CO OO y Fitag-UXT qu’entamaron esta aición de protesta taba José Ángel Fernández Villa. Tres dalgo más de trés hores encadenaos, la Policía frayó les cadenes y identificaron a los manifestantes nel interior del edificiu. El secretariu d'Industries Estractives de CC OO de la Federación estatal, Juan Carlos Liébana, acusó la intransixencia" y "falta de tactu democrático" del Executivu de Mariano Rajoy, que "namái autorizaba la entrada de dos voceros por organización”. Ante esta situación y la "posibilidá nula de diálogu", los diez representantes sindicales optaron por non entrar nel ministeriu y permanecer encadenaos nel esterior "hasta que'l Gobiernu tenga a bien retomar una situación difícil". "Siempres tuvimos y asistimos los miembros establecíos. Llendar el diálogu ye lo peor que se pue facer porque toos representamos a les cuenques mineres", señaló.
 
Los que sí entraron a la reunión foron los cuatro representantes de la patronal, que tres dos hores y media d’aconceyamientu salieron de la sede ministeria ensin propuesta nenguna del Gobiernu estatal, que mantién la so postura inicial. Esta falta d’alcuerdu va llevar a radicalizar el conflictu, según afirmaron dende los sindicatos. Éstos tán estudiando convocar una fuelga xeneral nes zones mineres pal día 18. Otra manera, los trabayadores del carbón aumentaron güei la intensidá de la protesta y provocaron a los llargo del día 60 cortes en diez carreteres asturianes.

Comentarios

La información nun ye correcta.  Industria solo permitía entrar na reunión de la Comisión de Siguimientu del Carbón a un representante por CCOO (Carlos Álvarez Liébana) y otru por UXT(Víctor Fernández). 
Esti foi'l motivu pol que los representantes de los trabayadores nun quisieron entrar y encadenáronse como señal de protesta. N'anteriores reuniones nunca se pusieron torgues por parte del ministeriu sobre el númberu de representantes a participar. Por embargu chócame muncho que Carbunión, única organización de la patronal, pudieren participar con cuatro representantes.

Contador Estadistiques