Skip to content

El 77 por cientu de los llectores d’Asturies.com nun aprueba’l copagu sanitariu que pretende'l PP

Mayu 9, 2012 por Redacción

El nuesu ‘Conceyu Abiertu’ dexó nidia la postura que mantienen los usuarios d’Asturies.com al respeuto del copagu sanitariu que quier implantar el Gobiernu estatal del PP. Un 77 por cientu ta en contra d’esta midida.
 
Mentes, un 20 por cientu considera razonable la propuesta llanzada pola ministra de Sanidá, Ana Mato, a les comunidaes autónomes y, un 3 por cientu prefier nun opinar. La oposición popular a la reforma que plantega’l Gobiernu estatal pa la sanidá ye bien grande, lo que ta llevando a Mato a recular nos sos plantegamientos iniciales. Asina, güei afirmó que los inmigrantes irregulares enfermos de VIH o cáncer nun van perder l’asistencia sanitaria de baldre y aseguró que la sanidá va siguir siendo gratuita y de calidá pese a les midíes d’aforru que quier poner en marcha.
 
Otra manera, dende esti momentu los nuesos usuarios yá pueden votar nuna encuesta nueva nel nuesu ‘Conceyu Abiertu’. Nesta ocasión queremos conocer si tán o non esmolecíos pola medra de la estrema derecha y de partíos xenófobos n’Europa, qu’en países como Grecia o Francia tán recuperando puxu.

Comparte...                                    

Comentarios

 La oposición popular a la

Mayu 13, 2012 por liberis, hai 1 añu 48 selmanes
Id del comentariu14898

 La oposición popular a la reforma que plantega’l Gobiernu estatal pa la sanidá ye bien grande, lo que ta llevando a Mato a recular nos sos plantegamientos iniciales.