'La unidad dividida por cero', de Juan, Pablo, Silvia y Ana Genovés

Esta esposición axunta per primer vegada al reconocíu artista Juan Genovés xunto colos sos trés fíos: Pablo, Silvia y Ana. 'La unidá dividida por cero' ye la fórmula matemática qu'adoptaron como títulu pa esplicar la dinámica que los xune como familia y como artistes.

L'amuesa presenta cuadros de Juan Genovés sobre dos de les sos temátiques más habituales: la xeometría y el drama humanu. La simbiosis ente estos dos elementos ta tamién presente na obra escultórica y les instalaciones d'Ana Genovés. Nesti contestu dramáticu, les fotografíes de Pablo Genovés plantegen una revolución frente a les tradiciones establecíes. A lo último, los vídeos de Silvia Genovés apurren una visión humorística y crítica de la realidá.

La esposición inclúi tamién la instalación 'Abrazo-Desabrazo' (2019), realizada a partir de 'El abrazo' (1976), una de les obres más icónicas de Juan Genovés y que se considera símbolu de la Transición. Frutu de la collaboración ente Juan, Pablo y Ana, nel Centru Niemeyer va presentase esti cuadru reproducíu y, tres d'él, los visitantes van atopar la desoladora adaptación d'una fotografía de Pablo Genovés. Toa una metáfora del actual panorama internacional y de la simplificación de los símbolos históricos.