'Cinco horas con Mario', de Pentación Espectáculos

Con una forma entecortada, detallista al mínimu, reiterativa y enllena de tópicos, Carmen Sotillo diz coses, manifiesta sentimientos y emite xuicios qu'a munchas persones anguaño pue paece-yos increíbles. Pero damos fe de qu'esi llinguaxe esistía; de qu'esos xuicios emitíense; de qu'eses 'coses' de Carmen taben na vida de tolos díes.


'Cinco horas con Mario' ye, ente otres munches coses, un documentu vivu d'esos años. De les preocupaciones económiques, relixoses, polítiques, sexuales y morales entós imperantes que Delibes, al traviés del llinguaxe del so protagonista, dexó retrataes con claridá, de forma que la vida española d'entós llega a palpitar viva nes sos pallabres.


Pero, perriba de too esto, 'Cinco horas con Mario' fálanos de los asuntos eternos del ser humanu: de la culpa, de la soledá, de la incomunicación, del sentíu de la vida... Como siempre en Delibes, partiendo d'un llocalismu concretu encarna nos sos personaxes y nos sos conflictos les realidaes más profundes y complexes que condicionen la nuesa vida.


Intérprete: Lola Herrera.


Direición: Josefina Molina.


Adaptación: Miguel Delibes, Josefina Molina y José Sámano.
Hora: 20:30h.