Artes industuriales y decoratives

25 Ochobre, 2018
hasta el: 
10 Febreru, 2019
Artes industuriales y decoratives

Dende'l 1987 el Muséu de Belles Artes d'Asturias comenzó a formar la so coleición d'artes industriales y decoratives. D'aquel primer llabor nel estudiu y difusión d'esta clase de patrimoniu hai que recordar la reivindicación de la gran fábrica vidrera La Industria, motor del restu d'artes industriales xixoneses y asturianes mientres más de 150 años.


Frutu de la mesma intención, y en malpenes trenta años, la seición d'artes industriales y decoratives del muséu foi creciendo y ensanchándose en distintes direiciones hasta la situación actual, con más de 2000 pieces de cerámica industrial española y estranxera (lloces y otras cerámiques dende'l sieglu XVIII al XXI), unos 1200 vidros mayoritariamente asturianos, 500 planches de cobre con decoraos ingleses pa la estampación de lloces (procedentes de la fábrica sevillana de San Juan y donaes al muséu pola fábrica de San Cloyo) y un restu heteroxeneu de pieces de too tipu que son les agora equí presentaes.


Nesti fondu alcontrámonos tanto con xuguetes, botelles, lladriyos, muebles y armes, asina como con cubiertos de plata y otros trabayos de metalistería, artes gráfiques, documentos comerciales y semeyes. Trátense, toos ellos, de representantes xenuinos de la historia contemporánea d'Asturies.
Hora:

Sitiu: 
Muséu de Belles Artes d'Asturies
Localidá: 
Uviéu
Tipu d'eventu: 
Esposiciones
Contador Estadistiques