Tresmisión interxerenacional

¿Cuála ye la so percepción -del 1 al 10*- sobre la tresmisión interxeneracional del asturianu en 2015?

Media: 2.87

¿Piensa que la situación ye 1, 0 o -1 qu'en 2014?

Media: -0.48

 

Va morriendo la xente mayor, falantes patrimoniales, y nun se tresmite nin vocabulariu nin los conocimientos nin la forma natural de tresmitir un idioma. Nun se barrunta que, nestes condiciones, esto ameyore.

DANI G. DE LA CUESTA
Músicu y investigador de música tradicional

 

La recuperación de la tresmisión xeneracional debrería ser ún de los oxetivos del Gobiernu pa garantizar la sobrevivencia del idioma.

PENÉLOPE MIRANDA
Responsable de SNL

 

Van morriendo los falantes patrimoniales.

VICENTE GARCÍA OLIVA
Escritor

 

Nes ciudaes ta desaniciándose muncho; nos pueblos nun hai relevu xeneracional.

ALBERTO ÁLVAREZ PEÑA
Etnógrafu

 

Nunca se tomaron midíes dende les instituciones empobinaes a favorecer la normalización y prestixamientu que tendríen como consecuencia facilitar la tresmisión del asturianu.

CARLOS PULGAR
Voceru de la XDLA

 

El trabayu de 'Reciella. Families pol asturianu', anque ye entá de difusión minoritaria, señala un camín esperanzador.

INACIU GALÁN
Presidente d'Iniciativa pol Asturianu

 

Nun pue ser peor. Los neños yá falen con tiempos compuestos...

DAMIÁN BARREIRO
Periodista

 

La mio opinión personal, polo que siento na cai, ye que los neños cada vez empleguen menos l'asturianu o polo menos l'amestao, na so vida diaria.

ENRIQUE CARBALLEIRA
Editor y periodista

 

La tresmisión interxeneracional ye l'asignatura pendiente de la llingua asturiana.

ANTÓN GARCÍA
Editor

 

Nun cambia d’un añu pa otru.

GASPAR LLAMAZARES
Diputáu na Xunta Xeneral

 

Cada paisanu/a que muerre ye una perda de patrimoniu que nun se recupera. La falta de conciencia cultural sigue faciendo que los padres y les madres nun falen n'asturianu colos fíos, anque ellos sí lo falen de forma natural.

NACIU VARILLAS
Periodista

 

Cada añu esta situación ye ´peor.

XOSÉ ANTÓN FERNÁNDEZ 'AMBÁS'
Músicu y etnógrafu

 

A midida que se suceden les xeneraciones avanza'l desinterés pol asturianu. Y non sólo pola llingua; en xeneral, pola cultura asturiana.

ISIDRO MARTÍNEZ OBLANCA
Diputáu na Xunta Xeneral

 

A meyoría é pequena, pero parez que se vei reducindo el estigma social cos nenos. Polo menos nel ámbito del gall-ast.

MIGUEL RODRÍGUEZ MONTEAVARO
Escritor