Resume situación xeneral

¿Cuála ye la so percepción -del 1 al 10*- sobre la situación xeneral del asturianu en 2015 (resume de les 10 anteriores)?

Media: 3,70

¿Piensa que la situación ye 1, 0 o -1 qu'en 2014?

Media: -0.30

Nun notaremos cambiu dengún si nos puestos de poder nun hai presencia de xente que trabaye pola cultura asturiana y por una sociedá con identidá que tenga base na tradición, como pegoyu d’un pasaú que mos empobine al futuru.

DANI G. DE LA CUESTA
Músicu y investigador de música tradicional

La visibilidá del idioma, nunca mui alta, baxó de manera bultable nesti tiempu.

XULIO ELIPE 'XUNE'
Cantante y conceyal

Si echamos una güeyada atrás, avanzóse nel reconocimientu social, pero'l problema ye políticu y tanto PSOE comu PP (agora peor entá con Ciudadanos) tan 0 que siempre. Esto ye un caleyón ensin salida. Amás la Llei d'Usu (que yá ta caduca) les más de les veces malpenes s'emplega.

ALBERTO ÁLVAREZ PEÑA
Etnógrafu

Nun ye la peor situación imposible, pero tovía-y queda p'aprobar.

DAMIÁN BARREIRO
Periodista

Como dixe enantes, la única esperanza que se ve pa los prósimos meses son los nuevos cargos en Cultura. Pero valdrá más nun facese munches ilusiones, porque 0 too queda en nada…

ENRIQUE CARBALLEIRA
Editor y periodista

Si nun s'avanza, retrocédese.

ANTÓN GARCÍA
Editor

Siguimos pensando na necesidá de la oficialidá y pa ello llucharémos.

GASPAR LLAMAZARES
Diputáu na Xunta Xeneral

Igual, anque con tendencia a meyorar.

FAUSTINO ZAPICO
Conceyal y profesor

Les coses esti añu paezme que tuvieren bien paraes.

XOSÉ ANTÓN FERNÁNDEZ 'AMBÁS'
Músicu y etnógrafu

Hai que fomentar el consensu políticu a favor del asturianu. Cada día perdíu ye retroceder, nin siquier estancase. Basta repasar la memoria añal de l'ALLA y el discursu de la so presidenta nel Día de les Lletres pa percibir el creciente problema de sobrevivencia del asturianu.

ISIDRO MARTÍNEZ OBLANCA
Diputáu na Xunta Xeneral

Sía como sía, a situación complicada na que vivimos tamén sirve de punto d’inflexón pra mirar por únde se quer tirar pral futuro. Sinceramente, creo que falta optimismo y crencia en nós mesmos al hora de reivindicar ou crear nas nosas llinguas monoritarias. El paréntesis da 'crisis' ten que ser namáis un punto nel qu’apoyar el pé pra volver reflotar.

MIGUEL RODRÍGUEZ MONTEAVARO
Escritor

El tempo pasa y vay ir sempre a -1 mentres nun se consiga a oficialidá y el aprecio da xente y da clase política al uso da nosa lingua. Haiche muito que caminar

MONCHO MARTÍNEZ CASTRO
Escritor