Espaciu y Tiempu de la Llingua Asturiana

Influencia del discursu de recuperación

¿Cuála ye la so percepción -del 1 al 10*- sobre la capacidá d'influencia del movimientu de recuperación llingüística en 2016?

¿Cuála ye la so percepción -del 1 al 10*- sobre la capacidá d'influencia del movimientu de recuperación llingüística en 2016?
Media: 4

¿Piensa que la situación ye 1, 0 o -1 qu'en 2015?

¿Piensa que la situación ye 1, 0 o -1 qu'en 2015?
Media: -0.11

 

Sálvase nalgunos casos nos que les denuncies puntuales de dalgunes organizaciones ficieron frente al desdexe institucional.

DANI G. DE LA CUESTA
Músicu y investigador de música tradicional

 

Dende hai años, sobre manera nes xeneraciones más nueves, esti discursu vien calistrando ensin mayor problema na sociedá asturiana, con una aceptación natural y desprexuiciada del mesmu. Dalgo que tendríen qu’aprovechar les instituciones del país pa facer una política llingüística amañosa y de futuru.

XULIO ELIPE 'XUNE'
Cantante y conceyal

 

Nun consiguimos marca l’axenda política, sigue faltando más coordinación ente entidaes y tamién colos partíos favoratibles a la oficialidá.

INACIU GALÁN
Presidente d'Iniciativa pol Asturianu

 

El movimientu paez llegar sólo a los yá convencíos, polo que l’avance ye nulu.

AMADÉU BENAVENTE
Etnógrafu

 

El llabor del movimientu de recuperación llingüística ye fundamental. Los pocos pasos que se tán dando son prácticamente toos obligaos pola presión social y/o denuncia que faen estes asociaciones.

Naciu Varilla
Periodista

 

Nun me parez que ningún discurso publicitario del Administración estatal vaya cambiar ningúa actitú pra col gallego-asturiano. A crisis que sufrimos estos anos nun é solo económica, senón de valores.

MIGUEL RODRÍGUEZ MONTEAVARO
Escritor

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques