Creación

¿Cuála ye la so percepción -del 1 al 10*- sobre'l la creación lliteraria, musical y audiovisual en llingua asturiana en 2015? 

Media: 5.96

¿Piensa que la situación ye 1, 0 o -1 qu'en 2014?

Media: -0.09

 

Ye curioso como a pesar de les munches torgues qu’hai pa qu’un procesu de recuperación seya normal, la xente que trabaya failo muncho y bien. Si pudiéremos regar bien toles flores que salen, nunos pocos años tendríemos un xardín cultural guapísimu.

DANI G. DE LA CUESTA
Músicu y investigador de música tradicional

 

La falta d’apoyu institucional y mediáticu penaliza abondo a los creadores y torga l’afitamientu d’una industria cultural alredor de la creación en llingua asturiana.

XULIO ELIPE 'XUNE'
Cantante y conceyal

 

Peor en lliteraria y dalgo meyor n'audiovisual.

VICENTE GARCÍA OLIVA
Escritor

 

Al non recibir sofitos, munches asociaciones nun pueden trabayar. Les editoriales tienen continues torgues pa recibir unes migayes: escesu burocráticu, factures d'última hora, etc.

ALBERTO ÁLVAREZ PEÑA
Etnógrafu

 

Hai que reconocer públicamente'l llabor de los/les creadores d'Asturies, que lleven alantre les sos obres nun ambiente de dexadez y persecución alministrativa constante.

CARLOS PULGAR
Voceru de la XDLA

 

La continua baxada de les ayudes fai que'l sistema lliterariu asturianu tenga cada vegada menos espacios, anque hai exemplos positivos d'obres que tienen un ésitu importante. Per primer vegada, en 2015, una obra n'asturianu, la torna d'El Quixote, foi la obra más vendida n'Asturies nel Día del Llibru.

INACIU GALÁN
Presidente d'Iniciativa pol Asturianu

 

Sedría de 10 si nun fuera polos recortes, que faen qu'esto nun sía una industria cultural. Cada vez vamos a menos: menos obres, menos discos, yá nun hai cine n'asturianu...

DAMIÁN BARREIRO
Periodista

 

Paez que se tan viendo dalgunes publicaciones más, anque siguimos dientro d'un bache mui grave y col retrocesu más importante de los últimos años no que cinca a llibros, discos y audiovisuales.

ENRIQUE CARBALLEIRA
Editor y periodista

 

La creación mantiénse gracies al esfuerzu individual de los creadores, con mui pocu respaldu social. Tien méritu lo que se fai y ye un milagru que se siga faciendo. La profesionalización o semiprofesionalización queda más lloñe que la oficialidá.

ANTÓN GARCÍA
Editor

 

Los creadores tienen buena salú y creatividá, pero nun taría de más 1es ayudes.

GASPAR LLAMAZARES
Diputáu na Xunta Xeneral

 

Sigue siendo mui bonu y más en comparanza col númberu de falantes y cola presencia social de la llingua.

NACIU VARILLAS
Periodista

 

Nel campu musical, que ye’l que mas conozo, salieren mui pocos trabayos, y el compromisu de los músicos tradicionales y folk pienso que cada vez ta  siendo mas pequeñu.

XOSÉ ANTÓN FERNÁNDEZ 'AMBÁS'
Músicu y etnógrafu

 

La tenacidá paez consustancial a los qu'usen l'asturianu como espresión. Hai xente nuevu y grupos nuevos. Y tamién hai más calidá que ye una forma d'eliminar obstáculos p'averar a la xente al asturianu.

ISIDRO MARTÍNEZ OBLANCA
Diputáu na Xunta Xeneral

 

Cada vez hai 1 producción artística, aspecto que pode que nun sía un gran normalizador, como digo nel anterior resposta, pro si é verdá qu’el nivel é brutal. Hai xente nova que ta dando muito que dicir.

MIGUEL RODRÍGUEZ MONTEAVARO
Escritor

 

Tras uos anos de muitá actividá parece qu'agora produxose un parón abondo importante.

MONCHO MARTÍNEZ CASTRO
Escritor