Espaciu y Tiempu de la Llingua Asturiana

Fernando Antonio García Menéndez. "Antón del Vallín"

Fernando Antonio García Menéndez. "Antón del Vallín"
Obres disponibles: 

Cásique nun tenemos datu nengún sobre esti autor, que firmó tamién col alcuñu de “Antón del Vallín”, que nun seyan la profesión de maestru nacional y lo que se saque de la llectura de los sos versos.

   Por dellos poemas parez claro que tamos delantre d’un paisanu de Xixón o de los sos alredores. Nel tituláu “A Xixón” dizse: “¡Tierrina de mios amores, villiquina placentera! (...) en tu senu deliciosu siempre yo vivir quixera...” Amás, los dos llibros de poesíes que publicó tán impresos en Xixón y, pancima, ún de los primeros poemes, ta fecháu en Serín el 7 de mayu de 1912.

   Col títulu de Pe l’aldeína del ama apaecieron en 1916 y 1925 dos tomos de les poesíes asturianes d’esti autor. L’Academia de la Llingua Asturiana editólos xuntos n’edición facsímil en 1991, amestando un poema asoleyáu n’El Progreso de Asturias, de La Habana tamién en 1925.

Noticies
Deprendi Asturianu
La Llingua Asturiana
Archivu oral
Proyectu Caveda y Nava
Coneyería d'Educación y Cultura
Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques