Espaciu y Tiempu de la Llingua Asturiana

Eva González Fernández

Eva González Fernández
Nacimientu: 
1918
Obres disponibles: 

Nació Eva González en Palacios del Sil, Llaciana (Lleón), en 1918. Empieza a escribir mui tarde, a finales de los años 70. En 1980 publica’l so primer llibru en collaboración col so fíu, l’académicu Roberto González Quevedo: Poesías ya hestorias na nuesa tsingua. Ési va ser el primeru d’una serie de seis llibros escritos en xuntanza de madre y fíu: Poesías ya cuentus na nuesa tsingua (1980), Bitsarón: Cousas pa nenus ya pa grandes na nuesa tsingua (1981), Xentiquina (1983), Xeitus: poesías ya cuentus (1985) y Branas d’antanu ya xente d’anguanu: poesías ya cuentus (1990). En toes estes obres repítese’l mesmu esquema: una parte de poemes d’Eva González, otra de relatos de la tradición oral y una tercera con poemes de Roberto González.

La poesía de l’autora llacianiega bebe derechamente nes fontes del cantar popular y reproduz les sos mesmes formes rítmiques y métriques (cásique siempre’l romance), pa componer unos versos d’un vivu lirismu y un ciertu toque “naïf”.

En 1991 recoyó a parte tola so obra poética nun volume baxo’l títulu: Poesía completa (1980-1991), editáu pola Academia de la Llingua con prólogu de l’académica de la Llingua Ana Cano González.

Tien tamién Eva González publicaos per publicaciones periódiques dalgunos relatos, d'asemeyada temática popular a la so poesía, que la llevaren a tar presente na antoloxía El cuentu asturianu tres la guerra, que publicó en 1998 Antón García.

Noticies
Deprendi Asturianu
La Llingua Asturiana
Archivu oral
Proyectu Caveda y Nava

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques