*************************************************************

Pachu’l Péritu
D. Francisco González Prieto:

"La Virxen de Covadonga"


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************


LA VIRXEN DE COVADONGA


 ¡ Oh Virxen de les Batallés !
La Capitana d' Asturies,
Qu' á les agarenes furies
D' un soplu les estrapalles;
Quixera per estos valles
'Char un i xuxú guerreru
Qu' atronás el mundu' nteru
Con honor i llozanía;
Préstame to vallentía
P' tutiar al estranxeru.
Quiero cantar tos fazañes,
Quiero cantar to grandeza,
Y l' asturiana fiereza
Qu' añida 'n estes montañes.
Llerdu soi, nací 'n Tremañes,
Y non sabré solletrar,
Pero voi escomenzar,
Qu' anque la 'storia e perllonga
Falaré de Covadonga,
Y abondo hai que rellatar.
Mil doscientes romeríes
Fixeron añu per añu,
Y en antañu com' ogañu 
Te vesiten toos los díes
Los astures, los usíes, 
Ricos, probes, xente llista,
El Rei, el sabiu, l' artista,
Todos al pie del Auseva 
Van ver la sagrada Cueva, 
Cuna de la Reconquista.
Cuando 'l mazcayu Alkamán,
Que vieno á tentar fortuna
Nos trexo la media lluna
Pa 'nsiñamos l' Alkorán;
Unvió tantu ganapán
De moriscos cimarrones
Y de moros fanfarrones
Que pa llimiyos el cuayu 
Alzóse aquí Don Pelayu 
Con astures e infanzones.
Entós fo la de coyer: 
Pe los llanos de Concana 
Ya la tropa mosulmana, 
Que corría á más correr, 
Se trató de guarecer ç
'Nel valle, frent' á la Gruta, 
Y como siguín so ruta 
Los astures aguerríos, 
Taben pir' illí 'scondíos 
'Nos montes, 'na cogoruta.
'Nel campu de Contranquil
Pelayu yos 'chó so arenga: 
-Quien quiera venir, que venga, 
¡ Paisanos ! me bastan mil. 
Si con astucia sotí ! 
Peleamos po la gloria, 
Hemos de dexar memoria;
Que la Virxen nos asista,
Pa fundá la Reconquista 
Co la Cruz de la Victoria.  
Don Opas faló al caudillu: 
- Pelayu, puedes rendite, 
Que to derrota s' evite, 
Dempués non ternás ausillu. 
- Oye tú, traidor, so pillu, 
Menistro del Belcebú, 
¿ Quiés que faga lo que tú ? 
Pelearemos mañana, 
Aquí está la Capitana, 
¡ Viva Asturies ! ¡ xuxú !
Apenes riscara 'l día, 
Los moros ante la Cueva 
Llanzaben contra 'l Auseva 
Sos fleches con gritería; 
Mas cada flecha golvía 
Sobre aquella masa humana, 
Que 'n destruyise s' afana,
Pos al golver de rechazu, 
Quedaba tintu el Riñazu 
Co la sangre mosulmana.
Los astures peleaben 
Desparcíos pe les cimes 
Del monte Auseva i el Himes 
Y á los moros derrotaben 
Co les piedres que tiraben. 
Sobre la caballería, 
Que se 'spantaba y corría, 
Pa que tou se descomponga; 
Y por eso 'n Covadonga 
Hebo gran carnecería.
Salen 'ntós de la Cueva 
Pelayu con sos guerreros, 
Y blandiendo los aceros 
A la vitoria los lleva, 
Pe les riberes del Deva. 
Ya sesenta mil fuxeron, 
Pos ventimil perecieron 
Con Alkamán el moriscu, 
Y ente tronada i pedriscu 
Los muslimes s' aturdieron.
Per Liébana 'scorripiaos, 
Pelayu los persiguió; 
So caballu resbalió 
E' na Riera, i enfotaos 
Los moros desesperaos 
Van tirai piedres al velo, 
Mas, piegábense 'nel suelo, 
Y el ribazu qu' argayó 
A toos los enterró 
Como castigu del cielo.
Malamán, que al otru día 
Sufrieron mayor fracasu, 
Pos vióse una Cruz en Casu 
Que 'nel cielo rellucía, 
En Cangues se regunía 
La morisma que quedó; 
Don Pelayu allí mató 
A Don Opas i Abrahen, 
Pos á los otros tamién 
La 'scolta los remató.
'Nel campo del Re-pelao 
Yera 'l caudillo dempués 
Alzadu sobre 'l pavés,
 Po las ñobles proclamao,
 Y como rei coronao,
 La Virxen nos protexía,
 Y la España reñacía,
 Pos Don Pelayu trunfaba,
 Y en Cuadonga' nauguraba
 L' Asturiana Monarquía.
 Aquí la patria ñació
 'Nos riscos de Covadonga,
 Ocho siglos se perllonga,
 Y hasta Granada llegó;
 Nuevu Mundu conquistó,
 En media Uropa mandaba,
 La Relixón propagaba,
 Y el Sol prisionero brilla
 So 'l pabellón de Castilla
 Qu' al mundu rexeneraba.
 Y aquella raza vallente
 Qu' aquí tien so Relicariu,
 Celebre 'I gran Centenariu
 Con entusiasmu 'splendente;
 A la Reina onipotente,
 La pequenina i galana
 Que llamen la Soberana,
 Coronarán con honores,
 Con xoyes, pelres i flores,
 ¡ Viva nuestra Capitana !