*************************************************************

D. Enrique García-Rendueles:

“Non ta sola”


FONTE:

"Los nuevos bablistas" (1925)
(Enrique García Rendueles)


Respétase la grafía orixinal.

***********************************************************************


NON TA SOLA

 I  
Llevaron la neña
Na caxina blanca 
Magar que la llume 
Del sol se ' smuciaba, 
Y baxo 'l Iloreu 
La probe descansa.
Quedó soliquina.
¿ Pa qué quier compaña 
Si juese muy lloñe 
Quien la galantiara ? 
Muy lloñe, perlloñe, 
Depués de besala.
Dentós risiquines 
Non hebo en so cara, 
Perdieron los güeyos 
La llume que 'splandia, 
Y á los xilgerinos 
Ya penes non causa
Con so voz melguera 
Con so voz platiada.
Muy lloñe, perlloñe 
Llevároni el alma 
Desque pa la guerra 
Fuxó el que l' amaba. 
Dentoncies los cielos 
Non hébien lluz clara, 
Nin ente les flores 
Va ruxendo l' agua; 
Españen troníos 
Adientro del alma 
Daquella ñeñina 
Que muere amustiada.
II
Enel campu-santu 
Dexen la rapaza 
En-una caxina 
Permaxa, permaxa. 
Quedó soliquina, 
¿ Pa qué quier compaña 
Si los llucerinos 
Viénin á allumala ? 
Quedó soliquina. 
¿ Pa qué quier compaña 
Si dalgún n' aldea, 
De nuichi, cantaba: 
Que no la llames, 
Que ya no viene, 
Que se ha quedado dormida 
Debajo de los laureles.