*************************************************************
Pepín de Pría.

"Obres Completes"
(Poesía)

FONTE:

Retruque (*)


Respétase la grafía orixinal.

**********************************************************************
RETRUQUE (*)

La muyer semeyando a la pintura
p'admirala miyor, cuantu más bella
convien estar un pocu apartáu d'ella.

(Baltasar del Cuetu) 

El que dixo estes coses ta casáu
y abondo se descubre en tal conseyu 
que ye bon perru vieyu 
pos tien unos neñinos 
qu'en sin desputa son los más guapinos 
que ximielguen les madres en conceyu. 
Es decir, fale mal. Diañu de boca 
que por cosa güena non-y  toca 
non sabe falar más que babayaes. 
Dixi que tien neñinos ¿quién lo sabe? 
por qué l 'asuntu esnidia ya no grave, 
ellos anden per casa a maniegaes. 
La muyer (pa admiralla) cuerre d'ella 
pa admirala meyor, cuantu más bella, 
pos ¿per obra de qué manifestures
nacieron en so casa les cretures?
Esti conseyu  a Xudes da maréu,
pos miente, xuro a tal, cuando aconseya
o yo apuesto, par Dios, la mio pelleya
que n´isti asuntu´l diañu mete´l deu.