*****************************************************************************

Títulu: Mios cantares (El Progreso de Asturias, 20 d’agostu del 1921)

Autor: Lin de la Casona

Fonte: Testos en Llingua Asturiana N’el Progreso de Asturias de La Habana

Orixinal: http://books.google.es/books?id=YG7iIOjbbd0C&pg=PA9&dq=Asturianu&hl=es&sa=X&ei=T03NU7DtE8it0QX52YDYDQ&ved=0CDgQ6AEwBTgo#v=onepage&q=Asturianu&f=false

*****************************************************************************


Engüeltos en les ansies de mio vida
quiero Asturires mandate estos cantares,
arrinquelos del alma dolorida
les penes fondos de los mios pesares.

Lloñe de ti, tierrina bien amada,
el pensamiento esñala y non te alcanza,
yu á mio noche tan triste y tan callada
trai el recuedu llúz, llúz de esperanza.

Y pasen como sombres otros díes
que en jamás golverán por suerte ingrata,
y muerren les querencies y porfíes,
ye la ausencia un puñal que tóo lo mata.

El dulce cantarín de los vaqueros
y el suave sospirar de les fontanes,
los ixuxús triunfales, vicingleros
que llancien cuando ronden los galanes.

El primer de tos valles tan floriaos
que son de tos los güellos maravilla,
y dexen a los homes per plasmaos
al baxar pel senderu hacia la villa.

Esfoyaces, mangüestos y filones,
les noches de foguera builangueres,
les dances con sos típiques canciones
y el picu llevantáu de les monteres.

La moza per galana y per graciosa
y el mozu pintoreru y bien plantau, 
el ñuveru, la xana millagrosa
que se baña en la fonte xunta ‘l prau.

La tienra y melancolica Praviana
y el baile sin igual del xiringüelu,
la dolce y romancesca Soberana
y el cuentu xunto el llar, que cunta el güelu.

La gaita y el tambo, los xigantones 
que facen divertise a los rapazos,
el focicu del gochu y los llacones
y el solmenar de recies verdescazos…

Toe os eñardez mio fantasía
engüelta del recuerdo en los xirones.

¡Non te puedo olvidar, tierrina mía,
por eso te recuerdo en mios canciones.