*************************************************************
Pepín de Pría.

"Obres Completes"
(Poesía)

FONTE:

¡ Ay de mi Gijón"
Edición y estudiu preliminar de Miguel Ramos Corrada.


Respétase la grafía orixinal.

**********************************************************************

Cuando corría la amante,
fermosa primavera,
llenando de florines
los montes y la vega,
cuando los rayos puros
del sol dan ena rexa,
tres de la cual t´atopes
matando la cabeza
pa rebuscar un versu
que nin cuaya nin xela
y ya que das con illi
con la pluma lixera,
pa que non se ti escape
y nuevamente güelva
a moriate el enxeniu
sin dexar una lletra,
lu apuntes y lu taches
y vuelves a la güelta
a buscar y a escribir
y tachar con presteza
llenando de borrones
dos cuartilles y media.
Yo me acuerdo por Dios
d´aquellos campos.