Prestóme muncho lo que nos cuntó la
maestra sobre lo que solía facer la xente xoven nel martes gordu.
Entrugaben a cualesquier persona:
¿Fulanu, antroxasti?, y si dicíen que
non llegaben a tira-yos platos rotos, pucheros desiguaos, hasta llanzaben
güevos podres.
Xosé González Merino, 11 años.C.P. San Pedro de los
Arcos
La xente ta
alloquecío
Nel antroxu la xente, nun se sabe mui bien el
motivu, ta como alloquecío, namás que piensa en pasalo mui bien.
Ye una tradición mui vieya, va más de
2000 años que se celebra y dempués d'esta fiesta vien la
Cuaresma, tiempu d'ayunu y d'abstinencia. Ye normal que dempués de
xintar tanto haya que ponese un poco a dieta.
Guillermo Pfitzer López, 11 años C.P. San Pedro de los
Arcos
Nel antroxu de 2006
Nel antroxu de 2006
los mios collacios nun va alcontrame,
porque esti añu nun saben
de que voi amazcaráme.
Marta Suárez Coca, 11 años C.P. San Pedro de los Arcos
Los guirrios y la
destrozona
Gustaríame enforma vistime como un guirriu o
un zamarrón, de blanco, con una faxa encarnada y una esbilla de
cencerros. Prestaríame tamién dir por Uviéu como la
destrozona, solmenando cola escobona mentanto canto coples, baillo y critico a
tol mundu. A los mios collacios daría-yos un bon sustu si los
topara.
Marina González Carpintero, 11 años C.P. San Pedro de los
Arcos
Antroxu nun se
t'escaeza venir
Antroxu, antroxu nun se t'escaeza venir.
Antroxu, antroxu que nos queremos
divertir.
Facer bromes a tol mundu,
xugar xuntos y rir
ye lo que me gusta a mi.
Antroxu, antroxu nun se t'escaeza venir.
Antroxu, antroxu que nos queremos
divertir.
Aida Martínez Suárez, 10 años. C.P. Baudilio Arce
L'añu pasáu taba n'otru colexu, en
Morcín, y tolos neños amazcarábamos de personaxes
mitolóxicos. Había trasgos, xanes, güesties y
cuélebres. Tamién podíamos dir de mazcaritos
típicos d'esta fecha,. Asina que yo, xunto a dalgunos collacios mios,
Xesús, Marcos y Victor, fuimos de guirrios. ¡Qué bien lo
pasamos! Tamién vieno Bertu Peña, un escritor ya ilustrador mui
importante, a falar sobre la mitoloxía. Punxo diapositives y deprendimos
munches coses.
Miguel Angel Valle Lorenzo, 10 años. Baudilio Arce
Nel mio pueblo que ta nel Oriente d'Asturies, nel
conceyu de Llanes, tenemos una casina al llau de la playa. L'Antroxu ye mui
prestoso. Tolos años facemos l'entierru la sardina. Los homes, les
muyeres y los neños vamos recoyendo xente poles cases. Tenemos que dir
de negro. Les muyeres amás del vistíu, lleven una capa y un
pañuelu. La sardina quémenla nun prau cerca del cementeriu y de
la ilesia. Pela tarde nel polideportivu facemos una fiesta y los neños
amazcarámonos. Depués de merendar facemos un desfiles. La
verdá ye que l'antroxu ye una fiesta mui prestosa.
Alejandro González Blanco, 10 años. Baudilio Arce.
El primer trabayu que tuvieron los mios padres fue
Na Vega, por eso mercaron una casa en San Xuan de Moldes, nel conceyu de
Castropol, nel Occidente d'Asturies.
Tolos branos vamos, pero tamién munchos fines
de selmana. Eso sí, nun nos perdemos l'antroxu, porque elli ye una
fiesta que siempre celebren y anque nun s'amazcaren, sin embargu siempre faen
l'entierru la sardina. La sardina ye de trapu y paxa, más menos mide un
metru y mediu. Pónenla dientro d'una especie de tumba. La xente va pasu
ente pasu sumándose a la procesión. Les muyeres nun puen dir de
pantalones y toos van de negro y llorando, anque nun tean atristayaos. El
recorríu nun ye mui llargu, van pol tol pueblu y pela rodiada. Cuando
llegamos al cementeriu quemen la sardina y a la especie de tumba. Ye cuando
más hai que llorar. De siguío vamos ver a la muyer más
vieya del pueblu.
Claudia García Carballo, 10 años Baudilio Arce
¡Qué folixa, qué
xaréu!
Nel antroxu siempre me mario.
Pablo Prieto Alvarado, 8 años. C.P. Baudilio Arce
Emplega la imaxinación
pa facer disfraces a mogollón
Héctor Pablo Álvarez López, 7 años. C.P.
Baudilio Arce.
L'Antroxu 2006
¡Qué bien! ¡Yá llegó
l'antroxu!
¡Qué prestoso ye!
Con desfiles y llambionaes
amazcárate tu tamién.
Esi sí, muncho cuidao has tener
si munches bromes quies facer
De güestia nun te pues amazcarar
si nun quies quedate solu otra vez.
¡Qué bien! ¡Yá llegó
l'antroxu!
¡Qué prestoso ye!
Con desfiles y llambionaes
amazcaráte tu tamién.
Pa mi l'antroxu ye una época pa disfrutar
hasta l´últimu momentu. Ye tiempu d'allegría nel que tienes
qu'escaecer les preocupaciones. Eso ye lo que quixi espresar nel mio dibuxu. En
resume, pa mi ye la época más guapa de tol añu.
Nuria Martínez Martínez, 10 años.Baudilio Arce
Los neños ríen na mañana del
28
porque ye por fin l'antroxu.
Los neños ríen na mañana del
28
porque comen frixuelos y faen l'osu.
Xosé Tolivar Pueyo, 9 años C.P. San Pedro de los Arcos
Nel Antroxu esisten munchos platos típicos y,
en casi too ellos predomina'l gochu. Yo voi falar del pote d'antroxu. El pote
d'antroxu nun ye un pote como otru cualesquiera, ye abondo especial. Ye secu,
ye dicir, nun tien caldo. Sírvese nun bandexa na que se ponen los
siguientes alimentos: berza, repollu, espinaques, puerru, tocín, rabu de
gochu, pie de gochu, cabeza de gochu. Cómese con cuchiellu y
tenedor.
Elba 10 años C.P Baudilio Arce
|