A la gueta los sueños
A la gueta los sueños
A la gueta los sueños

Noticies

"Arroz, agua y maíz" faise con un premiu al diseñu editorial

L'álbum ilustráu "Arroz, agua y maíz", compuestu pol testu col que Berta Piñán algamara'l premiu MªJosefa Canellada de Lliteratura Infantil y Xuvenil y les ilustraciones d'Elena Fernández, ta acabante de ser reconocíu con un diploma de los Premios Visual al diseñu editorial.
El XV Certame de Poesía y Dibuxu xirará al rodiu de la Diversidá Biolóxica

La Conseyería d'Educación y Ciencia yá tien colgaes les bases del XV Certame de Poesía y Dibuxu pal alumnáu de toles estayes, que se convoca con motivu de la Selmana de les Lletres. Coincidiendo col añu Internacional de la Diversidá Biolóxica los poemes y dibuxos presentaos han tar venceyaos a esta temática.
Yá ta na cai l'álbum "Colores y más colores"

Con testu de MªRosa Serdio ya ilustraciones d'Esther Sánchez sal a la cai l'álbum ilustráu "Colores y más colores", editáu por Pintar-Pintar Comunicación.
El llibru xuega cola doble influencia creativa de los versos inspiraos nos oxetos colos que venceyamos davezu los colores, y les obres pictóriques de xenios del color como Claude Monet, Joaquín Sorolla, Vincent Van Gogh o Gustave Klimt.
Suatea convoca unes nueves Xornaes de Llingua Asturiana y Educación

El Sindicatu de la enseñanza  tien convocao pa los próximos díes 19 y 20 una nueva edición de les Xornaes  que yá desarrollara na primavera del 2008.
Xesús González Rato: “Tornar Harry Potter paecióme una mui bona idega pa esparder la lliteratura n’asturianu ente los más mozos”

Entrevistamos a Xesús González Rato, la persona que fizo que’l magu más famosu de la Lliteratura Xuvenil pueda lleese n’asturianu. “Harry Potter y la piedra filosofal” primer entrega de la saga qu’ideara la escritora británica J.K. Rowling, ta nes llibreríes dende’l pasáu mes d’avientu. Comentamos col traductor éstes y otres coses al rodiu de la obra.
Xixón celebra'l Día Internacional del Idioma Maternu

La Oficina de la Llingua de Xixón va celebrar el Día Internacional del Idioma Maternu nel IES Padre Feijoo, con esposiciones, llectures y un karaoke multillingüísticu.
Nava acueye la esposición del VII Concursu de Cómic

La Casa de Cultura Marta Portal de Nava acueye hasta'l próximu día 29 de xineru la esposición que recopila los meyores trabayos presentaos a la VII edición del Concursu de Cómic n'asturianu qu'organiza añalmente la Comarca la Sidra.
Naz la páxina "Los viaxes de Trassg"

Xosé Ramón Martín Ardines y Anxan Martín Arango son los autores de "Los viaxes de Trassg" una nueva páxina n'asturianu pa neños y neñes que se presentara'l pasáu 20 de payares na Casa de la Xuventú de Samartín del Rei Aurelio, cola presencia de la conceyal de Cultura Gema Suárez Torre.
La revista "Estoyu" dedíca-y el primer númberu a la Lliteratura Infantil y Xuvenil

Ediciones Trabe acaba de dar anuncia de la espublización del primer númberu de "Estoyu. Revista de Llibros", publicación que naz col envís de dar a conocer los llibros editaos n'Asturies en cualesquier de les sos llingües, y que va ser distribuida de baldre per llibreríes, biblioteques y centros educativos. Nesti primer númberu la revista encara'l mundu del llibru infantil y xuvenil n'Asturies pente medies d'artículos especializaos, entrevistes a autores y editores y recomendaciones lliteraries.
La llingua asturiana vuelve a Mercaplana

La llingua asturiana vuelve a tar presente la Feria Infantil Mercaplana pente medies del stand que la Oficina Municipal de la Llingua tien instaláu nel pabellón 1 del recintu ferial. Con ésti yá sumen seis los años nos que'l serviciu de normalización llingüística del conceyu de Xixón fai por averar la llingua asturiana a los más mozos al traviés d'actividaes tan prestoses como xuegos, construcción d'instrumentos o mazcaraes mitolóxiques.
Un llibru asturianu pa los neños de Chile

La editorial Pintar-Pintar acaba dar anuncia, pente medies d'una nota de prensa, de la escoyeta d'un llibru asturianu pa formar parte de les Biblioteques Escolares chilenes. Concretamente serán 1.020 exemplares del llibru "Malva y el paragües máxicu" na so versión en castellán los alquiríos pol Ministeriu d'Educación del país andinu.
Les aventures de Harry Potter yá puen lleese n'asturianu

Les aventures d'ún de los magos más conocíos de la lliteratura universal yá pue lleese n'asturianu. La torna ye obra de Xesús González Rato y la so espublización correspuénde-y a Trabe, editorial que, de magar la presentación d'esti primer títulu "Harry Potter y la piedra filosofal" dirá asoleyando'l total de los siete volumes de la famosa serie de la escritora británica J. K. Rowling.