La nueche del 23 de xunu, la Nueche San Xuan, ye máxica. Celebramos el solsticiu de branu y facemos cultu al fueu y al agua cola quema de fogueres y l’enramáu de fontes nesta folixa de raigañu celta que recupera esti añu la normalidá. ¿Yá sabes ónde vas festexala?
Alicia Álvarez va actuar acompañada por David Varela na actuación programada na plaza del Emigrante de Santolaya. Ye la primer de les munches cites que tienen previstes pa estos meses de branu, con otra fecha yá zarrada en xunetu n'Uviéu, pa interpretar estos temes que falen de los mieos, los sentimientos o les emociones.
El domingu celebróse nel Teatru Xovellanos el conciertu final d’esti cursu de la iniciativa Cantar Presta Muncho qu’entama la Oficina de Normalización Llingüística de Xixón colos colexos del conceyu. Un total de 244 neñes y neños d’ocho centros educativos participaron nesta gala siguida por munchu públicu nes butaques.
‘El barquín’ ye’l cantar escoyíu por Alicia Álvarez (Xixón, 1979) pa grabar un videoclip del so discu-llibru ‘Kikirikikí’ (La Fabriquina) col Muelle como escenariu. D’esta forma celebra la bona receición d’esta obra que fala de los sentimientos, les emociones o los mieos, como ye’l casu de la canción que protagoniza esta pieza audiovisual.
Tán representando per Asturies 'Torna al pasáu', obra cola que ganaron el VIII Certame de Teatru Escolar n'Asturianu y Gallego-asturiano. Llueu de representala en Mieres, Caborana y Morea, la siguiente parada ye en casa, en Felechosa.
Les maestres y maestros de Llingua Asturiana y Gallego-asturiano disponen d’un recursu nuevu pa trabayar nes aules col alumnáu. Yá ta disponible en plataformas dixitales y va distribuyise de manera física per toles escueles del país el discu coles diez canciones de ‘Al son del cantar’, concursu que ta acabante de celebrar la so gala.