A la gueta los sueños
A la gueta los sueños
A la gueta los sueños

Noticies

"Hermanina", el nuevu títulu de Carmen Gómez Ojea

La conocida escritora Carmen Gómez Ojea retoma'l camín de la Lliteratura Infantil n'asturianu pa regalanos l'álbum ilustráu "Hermanina", qu'espubliza conxuntamente coles ilustraciones d'Antònia González Tinturé.
"A la Gueta los Suaños" tamién na radio

La revista dixital "A la Gueta los suaños" estrenaba'l pasáu 21 de setiembre la so collaboración con "Radio Parpayuela", que va poder sentise tolos miércoles a les 12.30 hores.
"Loles" algama l'accésit nos premios Anuaria

L'álbum de poesía ilustrada "Loles" d'Aurelio González Ovies y Julio Antonio Blasco, editáu n'asturianu y castellán, ta acabante d'algamar l'accésit nos premios Anuaria al Diseñu Gráficu na categoría de meyor llibru, memoria y diseñu editorial.
Yá puen presentase proyectos pa la "Axenda Didáctica Escolar"

La Conseyería de Cultura pente medies de la Dirección Xeneral de Política Llingüística acaba dar anuncia de l'apertura del plazu pa la presentación de proyectos empobinaos a la "Axenda Didáctica Escolar" del presente cursu 2011-2012.
"Lo meyor de facer un llibru a comuña ye que nun decides solu hacia ónde va la historia"

Esti domingu 18 de setiembre Xurde y David Fernández presentarán la so nueva obra de creación "Antón quería ser porteru" nel marcu de L'Arribada, en Xixón. Falamos con ellos del llibru y otres cuestiones venceyaes a la lliteratura pa la reciella
Tarde de Lliteratura Infantil y Xuvenil en Xixón

Esti llunes 12 de setiembre'l certame lliterariu "L'Arribada" dedicó-y una xornada completa a la Lliteratura Infantil y Xuvenil, con actividaes que fueron dende les esposiciones, les presentaciones de llibros y los percorríos peles obres lliteraries d'autores del xéneru.
L'Arribada fairá un percorríu pela obra de Xicu Monteserín

L'escritor de lliteratura infantil y xuvenil n'asturianu Xicu Monteserín fairá un repasu pela so obra lliteraria'l próximu llunes 12 de setiembre na conferencia titulada De cuentos, xuegos y cosadielles, un repasu a les obres pa neños de Xicu Monteserín.
Xixón acueye la esposición del álbum "Deva y yo"

El Centru de Cultura Antiguu Institutu acoyerá a partir del próximu llunes 12 de setiembre la esposición dedicada al álbum ilustráu "Deva y yo" del que ye autor Vicente García Oliva ya ilustradora Belén García Montoya "Begmont".
Trabe espubliza l'últimu premiu MªXosefa Canellada

La editorial Trabe ta acabante d'asoleyar "A pespunte", llibru col que la escritora Montserrat Garnacho algamara l'últimu premiu MªXosefa Canellada de Lliteratura Infantil y Xuvenil.
Novedaes editoriales pal branu

Ye tiempu de vacaciones escolares, pero tamién de pasar les hores lleendo lliteratura infantil y xuvenil. Nesti casu presentamos cuatro de les novedaes editoriales más destacaes pa esti branu: "La mio hermana ye una mofeta", "la pota encarnada", "Loles" y "Xabel escontra l'ogru".
Yá ta na cai'l discu "Xentiquina Crew"

El discu recopilatoriu nel que dalgunos de los meyores grupos asturianos versionen cantares del grupu de neños y neñes "Xentiquina" yá ta na cai. Nél vamos poder topar, amás del CD de música, el DVD documental "Seliquín-Xentiquina, una ferramienta pedagóxica al serviciu de la escuela n'Asturies".
Vuelve a ver la lluz el cuentu de MªXosefa Canellada "El llibru de la viesca"

La editorial Pintar-Pintar reedita'l primer cuentu de "El llibru de la viesca", proyectu de lliteratura infantil que MªJosefa Canellada asoleyara nel añu 1944 cola editorial madrileña Orión.