Canal Blogues

Roxíos.

Palabras enrededadas - 17 Abril, 2017
Roxíos é un lugar da parroquia de Bual que resulta realmente acolledor. E máis acolledor se el tou anfitrión é Quique Roxíos, úa desas persoas que traballan pola terra a pouco e a pouco, sen fer muito ruído nin grandes aspaventos, con tranquilidade.
É boa cousa visitar Roxíos, pero mellor cousa se a visita se dá por un feito que poderíamos considerar un fito histórico para a reivindicación lingüística, cultural e territorial deste país asturiano de fala galega. Ointe, sen grandes aspaventos nen feitos fundacionales, deuse un acontecemento que, sinceiramente, creo que vai ser recordado na pequena Historia da reivindicación lingüística del Eo-Navia. Un encontro en Roxíos entre distintas persoas (del Eo-Navia e de fóra del Eo-Navia) interesada por puxar por esta terra e por esta lingua. Cerca dúa treintena de persoas interesadas en asistir, anque por distintas razois sólo puidemos ser úa ventena, que non é, nin muito menos, un número despreciable. Persoas chegadas dende distintas sensibilidades, con distintas traxectorias e distintas culturas militantes, sentadas a úa mesa compartindo inquietudes.



A xornada comenzou tranquila, tomando úa caña nel Zángano. Despois dimos úa voltía por Roxíos, visitamos el molín de Quique, falamos cadaquén das súas cousas... Puiden falar con varias persoas un pouco sobre a historia da nosa reivindicación lingüística a finales del século XX, naquelos anos 80-90 nos que a xente del Eo-Navia empezou a reivindicar un espacio para a súa lingua. Despois, na mesa de debate falaríamos más en serio daquelo. Xantamos. Xantamos de maravilla, e é algo que hai que agradecerlle a Quique a á súa familia, a espléndida acollida que nos deron. Na xanta, obviamente, tamén falamos. Eu puiden falar con xente interesante sobre atlantismo e celtismo e sobre a Lusofonía e el marco interesante que supón para Asturias, non sólo para el Eo-Navia, sinón para Asturias nel sou conxunto. Mesmo acabaron salindo ideas de poder traer a Bual artistas portugueses que mesmo poderían atraer prensa portuguesa... e poñer un pouco el Eo-Navia nel mapa lusófono.

E despois de xantar subimos al salón e xa, máis organizadamente (Nedi Mallada dirixiu mui ben todo el debate, de forma que encamiñou sempre el que falábamos a buscar puntos de encontro e úa análise positiva) falamos del que nos preocupaba. Úa análise da situación que non por repetida foi menos interesante. Saliron as principales preocupaciois, a perda da fala e da transmisión xeracional, a non presencia da nosa lingua nas administraciois, na RTPA, nas empresas... Mesmo a falta de traballo e el despoblamento (se non hai xente, non pode haber falantes), a falta de proxectos culturales e económicos, a necesidade dun selo de calidá asemellado al Euskolabel ou a Galicia Calidade, a falta de previsión agropecuaria (problemas como el da avespa asiática ou a polilla guatemalteca que están mermando el agro)... Pero tamén se falou del potencial que a sociedade civil ten para traballar estos temas. Falouse de que a propia sociedade civil pode impulsar cousas, que a propia sociedade civil pode etiquetar en galego, que a propia sociedade civil pode organizarse. Prantiouse tamén (aquí é onde sí houbo máis diversidade de posturas) el apertura da nosa realidade a Galicia e, máis en particular, á Galicia máis inmediata. Prantiouse tamén el galego como lingua de Asturias, non sólo del Eo-Navia (falando da Xunta Xeral, da RTPA...).
Féxose un pequeno repaso á historia da reivindicación lingüística, xente que vivíu en primeira persoa esa reivindicación nos 80-90 recordaron cómo xente que vía que nel Estatuto de Autonomía se ignoraba el galego-asturiano e el Principado levaba úas políticas lingüísticas caóticas, se organizaron e cómo empezou a haber dalgúas diferencias, cómo el movemento se polarizou en dúas normas e cómo finalmente a Lei de Uso del 98 incluíu el galego-asturiano na lei asturiana. Había, e é importante, na sala usuarios das dúas normas. E se algo importante tuvo, para min, este encontro, foi a máxima de «non repetir os errores dos 90», e con elo ter claro que aquí estamos todos luitando pola nosa terra e a nosa lingua. Esa máxima, xunta a máxima de que non é obrigatorio que téñamos todos úa mesma visión da lingua, nin us mesmos ámbitos de actuación, nin úas mesmas análises, foron el que fixeron posible que, independentemente de que esas análises fosen úas ou outras, non esistira ningún conato de confrontación entre as persoas que alí estábamos.
Esta foi úa primeira toma de contacto despois de muitos, demasiados, anos de silencio nel Eo-Navia. Non estaba na axenda, nin podería estalo, alcanzar grandes acordos fundacionales (non era el propósito, pois sería irreal), pero foi úa primeira toma de contacto importante, mui importante. Sen aspaventos, con suavidade. É algo que se prantiou, para este encontro e para el futuro, «necestiamos establecer as relaciois na amabilidade», el futuro desta terra, da reivindicación da lingua, da cultura, da economía, del territorio pasa, imprescindiblemente, pola cordialidade. E quedou pendente que non fora un encontro para el recordo, senón un encontro para el futuro, el primeiro encontro doutros muitos que han chegar, enchendo de contido esta toma de contacto que foi profundamente frutífera para poñernos cara e acercar posiciois.
Non podo estar máis contento. Este día ha quedar gravado na Historia del Eo-Navia. Un Eo-Navia que boliga, que non morre, porque hai quen puxe por él.


Categoríes: Canal Blogues

Llimón elefante

El blog de Xuan Xosé - 17 Abril, 2017
Esti caprichu del azar y la enfermedá.

El 26/03/17.



Categoríes: Canal Blogues

‘Fálame’ va estrenase en TPA’l día 23

Falar y lleer - 17 Abril, 2017
El programa infantil en llingua asturiana de TPA, ‘Fálame’, tien previstu’l so estrenu’l día 23. Esti espaciu pa la reciella que va emitise nes mañanes del domingu, con redifusión el sábadu siguiente.Médula Producciones encárgase d’esti programa que tien como oxetivu divulgar conocimientos llingüísticos d’asturianu, tanto gramaticales como de vocabulariu. Asina, tán previstos 26 capítulos de ‘Fálame’ con un llargor de 30 minutos caún, nos que la popular cantante de tonada va servir como conductora.El primer episodiu, salvo novedá d’última hora, va emitise na mañana del domingu 23 nun horariu por confirmar y var poder vese repetíu’l sábadu 29. Con esta iniciativa RTPA cumple con una demanda vieya de los coleutivos de defensa del idioma, que consideren la programación infantil nel ente públicu de comunicación como un preséu básicu pa la normalización de la llingua asturiana.Fonte: Asturies.com
Categoríes: Canal Blogues

Axenda d’actos Día del Llibru 2017

Inaciu Galán y González - 16 Abril, 2017

Esta selmana voi tener la suerte de compartir la mio poesía en dellos actos coincidiendo coles celebraciones por mor del Día del Llibru. Voi participar en recitales colectivos en Xixón, Uviéu y Siero. Y lo meyor, los escritores que van acompañame. Ente otros, Laura Marcos, Raquel F. Menéndez, Sol Inca Asturies, Ana Lamela, Pablo Solares Acebal, Esther García López, Virginia Gil Torrijos, Esthi Rubio, Mercedes García Amado, Francisco Priegue…


Categoríes: Canal Blogues

País o endogamia estéril. Ehí ta la escoyeta.

El xanu'l caborniu - 16 Abril, 2017
De magar l'añu 722 pasaron abondos sucesos y xeneraciones. Asturies nació col Reinu d'Asturies y la  xente asturiano tamién. Lo demás, caxigalines de pazguatos inorantes. Pero les naciones como les persones ñacen y muerren. Y a la ñación que fixere galanes nel sieglu VIII tóquen-y nestes dómines campanes de difuntos. Esbarrumba pali que pali nun procesu imparable lo que foi país, xente construyendo país y camín de futuru sestaferiáu a comuña. Cuando nun se tienen les idees clares el mangaráu conceptual fartuca a los descabarriaos y esllúmalos con futuros posibles que son imposibles. El tracamundiu ye descomanáu. Lo nacional sustitúise polo endogámico. A la nobleza de l'altitú de mires apodérala la xermandía empicorotiada por quien afalaga los egos ayenos con milenta "gústame" nuna rede social. N'Asturies sustituyóse cuantayá la visión de país pola perronera endogamia narcisista y folcloricista perronera. Pol cainismu. Pol sectarismu. Pol porgüeyu. Semar la inorancia viña bien. Pa quien desconoz otru discursu alternativu, la espirica del endogámicu cainita fracasáu suéna-y a turullos melgueros tocaos por dioses arteros qu'empobinen a una victoria épica. Esta ye l'alternativa que tenemos hoi nesti país asturianu. D'un llau'l llabor constante destructivu de quien lu quier desaniciar pa convertilu nun balcón afayadizu pa que la meseta se mire a la mar. D'otru llau, una güestia fracasada, endogámica, cainita y que se mueve según manden los designios de los sos respectivos embeligros que pasa por ser una triba de grandes y abnegaos patriotes defensores de les esencies nacionales asturianes. Ehí ta la gran mentira. Ehí ta la gran traición. Ehí ta la quintacolumna de zapadores de los enemigos del país. Los patriotes por interés que son los antipatriotes. Pero tamién ehí ta la otra escoyeta, la de les mentes independientes y crítiques y de los espíritus llibres. Sumase a la güestia d'empapirotiaos y mansos acríticos o romper con ella y buscar caminos nuevos y vidables. Pero anguaño nesta vieya y frayada nación eses mentes y esos espíritus críticos y llibres...¿Hailos?. ¿Úlos?.
                                                            
Categoríes: Canal Blogues

Cuestión de responsabilidá

Falar y lleer - 16 Abril, 2017

Claudia Elena Menéndez Fernández, responsable d’Enseñu Universitariu d’Iniciativa pol Asturianu
Nestes últimes selmanes tamos asistiendo a la defunción lenta y silenciosa de l'Academia de la Llingua Asturiana (ALlA) n'otru exerciciu más de dexadez ya irresponsabilidá política. Dende Iniciativa pol Asturianu entrugámonos cómo ye posible, depués de 37 años de creación de la institución, tener llegao a esta situación. El futuru de l'ALlA ta en xuegu y, con él, el de les cuatro persones que trabayen ellí dende va munchos años y el de la propia llingua asturiana, ¿cómo s'entiende asina tar a piques de ver desapaecer una institución creada al amparu del entós Conseyu Rexonal como culmen d'ún de los suaños de Xovellanos?, ¿ye consciente la clas política asturiana de que la desapaición de l'ALlA supón un golpe al procesu normalizador ya normativizador que con tantes torgues vien desendolcándose n'Asturies dende va 37 años?, ¿llegará la dexadez hasta esi puntu por nun ser quien a consensuar un alcuerdu pa iguar el problema?, ¿cómo encaxa esto con eses declaraciones de «hai que protexer l'asturianu» coles que tantes veces s'enllenen la boca?, ¿por qué tolo qu'arrodia la llingua asturiana ye siempre oxetu d'incompetencia y incumplimientos llexislativos?, si la situación xurídica de l'ALlA yera realmente un problema, ¿cómo pudo decatase d'ello l'Alministración 37 años depués?... Estes preguntes -y tantes otres que podíemos facer- nun son otro que'l frutu d'una irresponsabilidá caltenida y apoyada pol Gobiernu del Principáu y por tolos partíos de la Xunta, la historia que desgraciadamente mos tocó vivir.La historia de la llingua asturiana ye la de los continuos agravios per parte d'una clas política que sistemáticamente la ignoró y marxinó, porque nunca la quixo. Porque nunca yera'l momentu, nunca yera'l momentu de la oficialidá, de la especialidá docente, de la vehicularidá del idioma na enseñanza, de la recuperación toponímica, de la normalización real nos medios; nunca yera, en definitiva, el momentu de comprometese. L'amenaza de desapaición de l'Academia ye otru agraviu más que se suma a una llista interminable.Encamentamos a la clas política la busca d'una solución digna, eficaz y viable pa una institución, l'ALlA, que ye la garante de la normativa del idioma y una de les responsables principales del llabor científicu, investigador ya formativu sobro la llingua; encamentamos a la clas política que faiga esame de conciencia, dexe los disimulos y les mázcares y apueste de verdá por midíes que garanticen los derechos de los asturfalantes. Ye una cuestión de responsabilidá.
Fonte: La Voz de Asturias
Categoríes: Canal Blogues

Ceanothus y fotinies

El blog de Xuan Xosé - 16 Abril, 2017
Los Pericones, el 28/03/17.

¡Qué contraste d'azul intensu y bermeyu!




Categoríes: Canal Blogues

¡Méxome de risa!

El blog de Xuan Xosé - 16 Abril, 2017
Cuando s'espurrió'l Parque Nacional Covadonga pa facelu Parque Nacional de los Picos d'Europa, el PAS, nosotros, fuimos los únicos que nos opusimos (por una de les razones del nuestru argumentariu diones dempués la razón el Constitucional). Y cuando entamó la política de declarar "parque natural" hasta les macetes de los restaurantes fuimos los únicos que nos seguimos oponiendo. Razón: con paisanos dientro nun se pueden facer parques: son too torgues pa fastidia-yos la vida, y p'acabar echando del territoriu declaráu parque toles actividaes, incluyíes les ganaderes.
Ensin embargu, tol mundu aplaudió: los alcaldes (de tolos partíos) porque esperaben perres pa ganar votos; los partíos porque paecía "progre" (y mandábalo Madrid, en dalgún casu); los ecoloxistes y los señoritos yá se sabe por qué.
Casi venti años dempués yá se "reconoz" (nun "conoz", que yá se sabía dende'l principiu) que fue y ye too un desastre:
Véase'l resultáu nes palabres de los agricultores nel Parlamentu Asturianu (testu de La Nueva España):
Rebelión agraria contra la gestión "dictatorial" de los parquesLas asociaciones piden un 50% de representación ciudadana en los órganos rectores tras el "desastre" del modelo de gobiernoMarcos Palicio Oviedo 12.04.2017 | 09:41Las organizaciones agrarias compusieron ayer una enmienda a la totalidad de la gestión de los espacios protegidos en Asturias. Aprovechando que pasaba por la Junta la propuesta de Foro de modificar la ley de protección de los parques naturales para dar entrada en las comisiones rectoras a propietarios y personas afectadas, los representantes de las asociaciones de profesionales del campo hicieron visible "el descontento" que arrastra un vecindario sometido, dicen, "a una dictadura legislativa de ordeno y mando, sin voz ni voto" que a Mercedes Cruzado, secretaria general del sindicato COAG, le resulta "imposible de comprender".

Llamados a comparecer para orientar a los diputados sobre la conveniencia de que la ciudadanía tenga voz y voto en los órganos gestores de los parques, les dijeron muy rápidamente que sí, pero acompañaron la respuesta con un sonoro rapapolvo a años y años de gestión de espaldas a quienes ostentan la propiedad, calculan, de "un 90 por ciento" del territorio protegido.

A las pruebas se remiten. Luis Fernando Marrón, de la asociación de ganaderos USAGA, lamenta que "se legisle desde el medio urbano para conseguir algo que antes hacíamos desde el campo. Se excluye a los ciudadanos que viven allí, a los que lo conservaron" y que "no lo harían tan mal" cuando el resultado de la alternativa es el matorral y la despoblación, "un medio rural inerte" en el que "la política nos está llevando a un desastre medioambiental y demográfico". Cruzado llegó a dar por seguro que "si la gente pudiera retroceder en el tiempo y dejar sus zonas sin ninguna figura de protección, lo haría. Los parques se vendieron como la gran panacea y la dura realidad les está demostrando que es lo contrario", remató.

No entraron los convocados en detalles sobre el sistema de selección de los representantes ciudadanos, que la propuesta no concreta, pero José Ramón García Alba, "Pachón", secretario general del sindicato UCA, abogó por que se busque un modelo que permita dar a la parte ciudadana, a propietarios y ganaderos, al menos un 50 por ciento de presencia en los organismos rectores.

En su turno de comparecencia, representantes de colectivos de cazadores y hostelería asintieron también a la oferta de participación ciudadana. Valentín Morán, presidente de la Federación Asturiana de Caza, justificó la conveniencia de su presencia en su "larga experiencia en gestión de los cotos. Hoy", remarcó, "cualquier coto tiene muchas más especies y está mejor regulado que cualquier reserva 
Categoríes: Canal Blogues

Pallabres pa María Moliner

Trabayu de Campu - 15 Abril, 2017

Pallabres, porque fue lo qu’ella acuñó a lo llargo de la so vida: como bibliotecaria, como collaboradora na Institución Llibre d’Ensañanza y nes Misiones pedagóxiques, como autora única d’un gran diccionariu que yá se conoz pol so nome: El María Moliner. Un llabor de más de quince años, ella sola, con mínimes ayudes y ensin el sofitu de nenguna entidá oficial. Faciendo unes fiches pequeñes, escrites a mano (daquella nun había ordenadores pa estos menesteres), clasificando, corrixendo, dexando la vista y la paciencia na composición de lo que fue la so obra magna, la que la enxertó pa siempres na Historia.

Agora, 38 años depués del so fallecimientu, la realizadora Vicky Calavia, maña como ella, presenta un documental que recueye lo más importante de la so vida, too ello alrodiu de les pallabres. Pa ello, entrevista a un piñu d’autores de dambos sexos que tán rellacionaos cola Real Academia Española de la Lengua. Una Academia que cometió, nel so día, un erru monumental al nun almitir a doña María Moliner ente los sos miembros. Bien ye verdá que la presentación fízose un poco “a la tragala” y ensin tiempu pa preparar el momentu más afayaízu, pero tamién ye verdá qu’ente los miembros de l’Academia había una gran misoxinia y costaba abrir el camín pa les muyeres académiques. El so rival, un Alarcos bastante mocín entovía, tuviere tiempu sobráu pa ingresar na institución, ensin arrampuña-y el puestu a la gran lexicógrafa. La Moliner, nunca más quixo que la volvieran a presentar y siguió faciendo lo de siempre na solitú de la so casa. Trabayar coles pallabres.

De too  ello fala’l documental de Vicky Calavia, coles voces de xente que la conocieron, la valoraron y la quixeron, ente elles la de la so fía, y otres que nun la valoraron tanto, como’l bocazas de Camilo José Cela, que votó en contra porque’l diccionariu nun contenía “palabrotes”. En fin, un actu interesante y emocionante, mínimamente empañáu pol calor saharianu que teníemos na sala de conferencies del Antiguu Institutu, que fizo que muncha xente, ente ellos nosotros, nun quedáremos al coloquiu. A ver si son a igualo enantes de que la sala quede vacía, eso nun hai quien lo aguante.

Categoríes: Canal Blogues, Recomendaos

Pescalina en flor

El blog de Xuan Xosé - 15 Abril, 2017
El 26/03/17. Morís. Güerres.

Y el maraviosu color de les sos flores, escontra l'azul del cielu.




Categoríes: Canal Blogues

Adaptabilidade.

Palabras enrededadas - 14 Abril, 2017



Máis ou menos, el mesmo artigo pode verse en LSE aquí.

Construir Asturias é construir úa Asturias igualitaria, onde todos os que habitamos Asturias séñamos iguales, sen importar el orixe, a idade, el sexo, a orientación, el xénero... ou as capacidades de cada un.
Vai pouco estuven con úa persona xorda nel HUCA. Debera ESCANDALIZARNOS que as administraciois públicas non teñan intérpretes de lingua de signos. Non hai úa administación en Asturias que los teña. Debera escandalizarnos que seña el propio usuario quen teña que encargarse de buscar un intérprete. Intérpretes que ufertan fundaciois privadas (por máis que teñan concertos col Principado), nel caso que nos ocupa úa fundación del Bispado, a Fundación Padre Vinjoy. Pode ser grave que non haxa intérpretes nas instituciois públicas, pero máis grave é que as instituciois públicas, e en concreto el HUCA, non poña nada del sou lado para el traballo dos intérpretes. Porque parece que é IMPOSIBLE saber a qué hora un médico vai fer a súa visita para poder avisar con tempo al intérprete para que estea presente, porque, en palabras das enfermeiras, «esto no se sabe, ellos vienen... cuando vienen». Dá igual que espriques que hai que avisar a un intérprete. E é que parece que os enfermeiros e os médicos del HUCA, por algúa razón que non soi a enteder, pero que me parece gravísima, non se comunican. En todo momento os enfermeiros dan a entender que non saben nada dos médicos e os médicos dicen que non sabían que necesitabas úa adaptación especial, apesar que llo espricaras aos enfermeiros cinco veces. Se para úa cousa tan xinxela a comunicación entre enfermeiros e médicos é tan difícil... Que pasa para cousas compricadas? Cómo podemos esperar que haxa un tratamento médico adecuado condo parece que os médicos e os enfermeiros non se falan.
Aparte deixamos cuestiois como que as televisiois dependan dúa empresa privada, que se lucra por minuto que el pacente ve a tele (e as estancias largas encamado poden ser mui aburridas). Televisiois que nin tein audiodescripción para as persoas cegas nin subtítulos para as xordas. Aparte deixamos que os servicios sanitarios ás veces parecen tratar á persoa xorda como menor d’idade, asumindo que non tein capacidade para entender, xa que non se pode comunicar. Pero obvian que, se ven e verdade que a persoa xorda non pode comunicarse oralmente, elos, ouguintes, non son quen a comunicarse por signos, polo que a falla de comunicación está dos dous lados. Ou mellor dito, está do lado dúa Administración que non ten interés ningún en comunicarse colos pacentes, en espricar el que padecen de forma que el pacente seña a entendelo (e esto vale para xordos e para ouguintes), dito doutra forma, que parece que quer el usuario seña obxecto pasivo. Igual é que non queren que falemos?

Non pode enchérsenos a boca de integracióncondo os casos de discriminación activa son constantes e naturalizados. E tamén nós, os soberanistas, temos que fer desto a nosa luita, para que as persoas que forman parte da nosa sociedade señan, percisamente, soberanas.
Categoríes: Canal Blogues

Peral

El blog de Xuan Xosé - 14 Abril, 2017
N'área de recréu en Los Pericones. El 19/03/17.




Categoríes: Canal Blogues

República Asturiana.

Palabras enrededadas - 14 Abril, 2017
Úa das primeiras manifestaciois ás que fun en Uviéu (quitando as del Día das Letras Asturianas) foi vai anos, non recordo cóntos, contra a Constitución e a monarquía. Non era sensu stricto pola República Española nin pola República Asturiana porque convocaban, conxuntamente, el PCPE e Andecha Astur.
Eu collín a mía bandeira tricolor, enfundeila al pescozo e pranteime alí, hasta que vin aparecer us rapaces del PCPE e axunteime a elos, pois, recén chegado a Uviéu, non conocía a naide. Aquela bandeira da República Española mercárala na tenda da Feve, el mesmo día que me instalei en Uviéu. Estuvera comendo colos meus pais na casa e xa vira (nalgún daquelos viaxes prévios a instalarme) aquela bandeira, asina que decidín que úa das primeiras cousas que fixera naquela nova vida na capital tía que ser mercar esa bandeira (que me costara 14€, einda lo recordo, falo del ano 2003). Naturalmente xa fora a muitas manifestaciois en Navia e ás manifestaciois pola lingua que pudera haber en Uviéu, pero a primeira manifestación á que iba desque me instalara en Uviéu foi esa.
Alí me prantara eu, coa mía bandeira da República Española, que eu daquela chamaba, a secas, republicana, depois dinme conta de que bandeiras republicanas hai muitas, colquera que represente a un estado que se constituia en República, sen ir máis aló.
E prantárame coa mía bandeira republicanae colos meus idearios asturianistas e sintínme nel meu lugar. Despois militei en distintos sitios. Militei sobre todo na reivindicación lingüística, pero tamén na política. Empecei a militar (sería nel 2007) en Mocedá d’Izquierda Asturiana (MIAS) e, con elo, en Izquierda Asturiana (IAS). E alí, en aquelas organizaciois soberanistas, defendía úa postura federalista. Un Estado asturiano dentro da República Federal Española. E, como hoi, defendía tamén el municipalismo, pois nin entendía nin entendo a posibilidade de descentralizar España pero non descentralizar Asturias.
Bandeira dos Estados Unidos Esta é tamén úa bandeira republicana.
Conocín e conozo muitos asturianistas federalistas, pero, a verdade, é que non conocín a ningún republicano asturianista. Esprícome. Toda a xente que conocín (veinme varios nomes á cabeza) que postulaba el mesmo que eu, aquela República Federal Española na que Asturias tuvera capacidade de gobernarse a sí mesma, orbitaban en torno al movemento asturianista, porque al final non nos sentíamos cómodos nun movemento republicano que, na teoría, defendía os nosos deretos como poblo, pero que na práctica estaba controlado por el PCE, as JCA, as UJCE... xente a la que non era raro verlles un bico de desagrado ou de burla condo un falaba, fora en asturiano, fora en galego (que tamén nel movemento republicano español de Navia sintín aquelo).
E é que un esforzouse muito por ser español, por querer a España. Un fexo esforzos grandes por integrar un discurso asturianista dentro de España... Pero España e el españolismo, tamén el españolismo republicano, sempre botou a un para fóra. É úa esperiencia que, falando con outra xente (esos nomes que me vein á cabeza) se repetíu sistemáticamente. E é que os asturianistas federalistas que conocín, ou abandonaron el federalismo ou abandonaron el asturianismo (que tamén los houbo). Algún integrouse dentro de IU e apostou por asturianizar a formación. Persoalmente admiro muito a esos compañeiros. Eu estuven a punto de fer el mesmo (mesmo fun de interventor á mesa electoral de Ortigueira por IU), pero precisamente falando con esa xente dinme conta de que el asturianismo é, para esquerda española, a nota de color. Sen que esto seña un cruce de acusaciois, podemos ver cómo, por caso, el proxecto asturianista de IU (Faciendo País) nun chegou a esporpollar, pesie que era un proxecto político que ben de xente (xente dentro de IU e xente, como eu, fóra) víamos con mui bos ollos.
Recordo a manifestación que se improvisou condo abdicou Xoan Carlos I (traduzo el nome pola mesma razón pola que falamos de Isabel II e non de Elisabeth II). Despois viron distintas movilizaciois... Un amigo independentista e eu (que de aquela era federalista) chegamos a un conceyo republicano, para ver el que se falaba, e prantiábanse varias datas. A que máis se postulaba coincidía coel Conciertu pola Oficialidá, que a Xunta pola Defensa de la Llingua Asturiana levaba meses preparando. «Bueno, ¿pero qué es más importante, el bable o la República?», «¿podrían cambiar ellos la fecha del concierto?» (un concerto que levaban meses preparando e que, obviamente, non se podía cambiar), «Pueden adelantar el concierto y despues venir a la mani» (mani que era en Uviéu e el concerto en Xixón), «oye, que a mí también me gusta en bable, que soy de Felechosa, rapaz» (en ese mesmo momento lamentei non ter úa pistola), «sí, sí, para contentar a todos podemos poner la pancarta también en bable» (mais pistolas, por favor). Falábamos dúa movilización que non estaba sendo unitaria nel Estado, que en Asturias quería ferse coincidir coa de Madrid, pero que en outros sitos iban ser un día antias ou un día despois. Nese mesmo punto entendín que non, que el republicanismo federalnon iba a ser nunca asturianista. Que non, que el federalismo é un proxecto político pol que xa naide aposta. Os antiguos federalistas foron posicionándose, us hacia el soberanismo, outros hacia el centralismo.
E pouco a pouco fun vendo que el republicanismo español acaba sendo úa reivindicación da II República, non da III República. Que a III República habería ser úa reidición da II, ou, lo que é máis cutre, a mera ausencia de rei e recuperación da bandeira tricolor e el escudo coa coroa mural, pero el mesmo modelo social e de estado que temos hoi.

E hoi, 14 de abril de 2017, as redes sociales de amigos énchense na señardade daquela II República e nel recordo dos represariados (sen fer muito exercicio en estremar entre republicanos, comunistas, anarquistas, trostkistas achuquinados pol PCE, independentistas...). Non imos negar el que supuxo a II República. Nin lo bon, nin lo malo, nin a reforma agraria, nin que os agraristas de El Aldeanode Castripol queixáranse de que aquela reforma era prantiada para as necesidades de Castela e non para las de Asturias, nin á República que nel 36 confrontou el fascismo nin la que nel 34 (Lerroux tamén era república) foi fascista. Pero, en definitiva, non imos esqueicer a todos aquelos vellos republicanos que aínda hoi buscan aos sous mortos. Non imos esqueicer a aquelos que defenderon á democracia, non imos a esqueicer que a República si supuxo un avance en laicismo... Pero non, non imos ser señaldosos, non imos obviar que os proxectos políticos del século XXI tein que mirar para el século XXI, non imos esqueicer que, entre os que hoi enabolan a bandeira tricolor en Asturias, cóntanse colos didos dúa orella os que tein un proxecto asturianista, os que non fain un seguidismo absoluto de Madrid. Como dicía Purna núa campaña de vai us anos, hai que retomar «viellas valors ta nuevos prochectos».


Categoríes: Canal Blogues

¡Feliz Aniversariu de la República!

Trabayu de Campu - 14 Abril, 2017

Anque la II República supunxo sangre, sudor y llárimes, fue un saltu hacia alantre pa romper con tantos cures, militares y súbditos, y convertinos en Ciudadanos. La esperiencia nun salió bien, pero hai que lo intentar de nuevo. Too enantes de siguir aguantando a los Borbones. Un desastre pa la nuestra Historia. ¡Viva la República!

Categoríes: Canal Blogues, Recomendaos

La Olivina del día

Trabayu de Campu - 13 Abril, 2017

La prensa miente: en Venezuela nun hai fame. Acaben de tira-y güevos a Maduro.

Categoríes: Canal Blogues, Recomendaos

Ánxélica

El blog de Xuan Xosé - 13 Abril, 2017
El 19/03/17. Ciares.

Entovía ensin coloriar la flor.



Categoríes: Canal Blogues

L’ALLA queda un añu más ensin partida nos Presupuestos Xenerales

Falar y lleer - 13 Abril, 2017


Les diferentes academies del castellanu, gallegu, eusquera y catalán reciben una aportación estatal que, quitando la RAE (1.661.290 euros), ye de 283.000 euros pa cada idioma. L’Academia de la Llingua Asturiana (ALLA), mentes, sigue ensin recibir partida nenguna de los Presupuestos Xenerales.Iniciativa pol Asturianu lleva años demandando que s’igüe esta situación, ensin ésitu pola postura contraria del Partido Popular (PP), con mayoría absoluta hasta esta llexislatura. Toles enmiendes a los Presupuestos Xenerales del Estáu presentaes al respeuto refugáronse col votu en contra tamién d’UPyD.
El cambiu de repartu d’escaños abriría la posibilidá d’algamar sofitu a una posible enmienda pa que l’ALLA recibiera, al igual que les demás, una partida de los Presupuestos Xenerales del Estáu, polo que la organización que trabaya pola normalización del asturianu insiste nesta vía de financiación pa l’ALLA, entidá que sigue agobiada económicamente p’afrontar les nómines pese a que’l conseyeru Genaro Alonso anunciara’l día 4 que’l problema yá taba solucionáu. Según les cifres aportaes pola organización, l'Institut d'Estudis Catalans recibe 283.070 euros, al igual que la Real Academia Galega, mentes  que l’eusquera lleva una cifra mui asemeyada repartida ente la Euskaltzaindia (153.180) y la Eusko Ikaskuntza (129.900).

Fonte: Asturies.com
Categoríes: Canal Blogues

Pradera d'ayu blancu

El blog de Xuan Xosé - 12 Abril, 2017
El 23/03/17. Ciares, Xixón.




Categoríes: Canal Blogues

Puerta de Muniel.los (Cangas del Narcea)

Camudando'l camín - 12 Abril, 2017
26 de Marzu de 2017

Track: Puerta de Muniel.los (Cangas del Narcea)


Web del Trail: Puerta de Muniel.los (Cangas del Narcea)

Clasificaciones: Clasificaciones 2017  


Segunda carrera llarguina dempués de la Cangues Mountain y parón d'un par de selmanes ensin entrenar n'absoluto y sigo tocáu. Nun debería correla, pero equí toi y dempués un sábadu peragradable per Cangas y Mual tomando dalgo, llega'l domingu y llevántome en Mual preparándome con un fríu curiosín y siendo de nueche entá.

Paso pela carpa de la organización, onde almuerzo un cafetín con pastes, riquísimes, ya que tovía tengo la carne a la piedra de la nueche anterior nel gargüelu, falo con xente conocío un ratín y empobínome de nuevu hasta la furgo camentando si debo correr o non.

GM Xuan de la Borrina y Asgaya Team
Finalmente, ye carrera non conocía y vamos ver como de mal tenemos la patuca. Poro, aportamos a la salida, ensin nervios siquiera, saliendo de tranqui con Illán, Alberto y compañía viendo que pueu llevar ritmos lentonos ensin munchos dolores.

Pasen unos pocos kilómetros, cruciando de nuevu Mual, hasta entamar la xubida más llarga nel pueblu d'Oubachu, onde caleyando veóme bien y llevando los dos palos descargo abondo la cadera, poro decido tirar pola mió cuenta y apretar nel ascensu al menos pa sentime que toi forciando un pocu.

Pasando per Mual y Oubachu
L'ascensión ye cenciella y mui tendía, con cuatru repechos duros pel pueblu y ceo alcontrámonos nel tramu más guapu de la carrera, xubiendo pelos montes d'Oubachu hacia la pena Ventana, onde alcontrámonos con venti centímetros de ñeve.

Equí, con un fríu y tramos onde la ventisca azota con fuercia voi ganando posiciones y pasándolo realmente bien. Abluca, la implicación de los voluntarios, animando tol tiempu, con kilos de ropa pa soportar el vientu y el fríu pero siempre con una sorrisa y muchos aplausos amatagos poles manoples.

Divirtiéndonos pel tramu de los montes d'Oubachu con ñeve y ventiscu
Pero tolo bono, acábase y toca'l descensu, el cual demientres hai ñeve y trialera voi esfrutando, pero cuando toca metese en pista, vuelvo a los problemes de siempre nun pudiendo aguantar un ritmu curiosu nin una zancada decente ya que la carga de la pierna derecha pa a más.

Aún así, aguanto'l tramu hasta aportar a la vera'l ríu Muniel.los onde tenemos un llargu tramu de llanu picando un pelín, nel que debería correr fuertísimo pero lo únicu que soi capaz de facer ye cargar enforma y llego al avituallamientu mui doloríu y con un calor increyible.

Baxando per pista hacia'l ríu Muniel.los
Paro un ratín a quitar el cortavientos y salgo mediu andando, decidiendo acabar la carrera como sea, yendo despacín hasta qu'entama la xubida hacia la Pena'l Moncóu, onde pueu tirar p'arriba caleyando y vuelvo a sentime bien y garrar ritmu.

Apretaré tolo posible nesti tramu, adelantando munches posiciones baxando de la Pena'l Moncóu pa meteme n'otru tramu de pista onde toca penar y vuelvo a cargame enforma. Aún así, aguanto'l tirón hasta ver cerquina'l pueblu de Mual.

Crestiando pela Pena'l Moncóu
Namás queden tres kilómetros y la sorpresa que ya m'anunciaren dellos corredores aporta, teniendo que xubir de nuevu un montón de metros de desnivel nos qu'otra vegada apreto porque ye onde meyor voi, pero cuando facemos la envuelta pa garrar la pista final de baxada, entamo a tener calambres nos cuadriceps.

D'esti xeitu, faigo l'últimu kilómetru y mediu, eternu, ensin saber mui bien nin como pisar, pa que nun se me xuba'l cuadriceps, nin me duela'l piramidal. Fecho una llaceria soi a alcanzar nel tramu más téunicu a Rubén que va faciendo un carrerón y entro na meta con él con un tiempu de 4 hores y 15 minutinos más menos... qu'espero poder baxar en media horina pa la próxima vegada que corra en Mual.

Porque ye imposible nun volver, col nivel d'organización d'esta carrera, lo implicáu del conceyu enteru de Cangas del Narcea en xeneral y en particular, les asociaciones de Mual, que lleven una carrera, casi demasiáu correndera pa mí, a un nivel de folixa pal pueblu y pal corredor.

Como siempre, dar gracies a organizadores, voluntarios y a los fotógrafos porque personalmente danme una allegría cola calidá de les semeyes amosando la realidá y l'esfuerzu que llevamos enriba en dellos momentos (Lastra, Carmen Martinez Valdés, MVFoto, Joselu A F...) 
Categoríes: Canal Blogues, Recomendaos

Asina la peral y primer pera

El blog de Xuan Xosé - 12 Abril, 2017
El 08/04/17.



Categoríes: Canal Blogues

Pages